影片
更多
2016-01-19
488 瀏覽
香港在14年尾的租金見頂, 二線區域的舖租首先大跌, 黃枝記在威靈頓街的舊舖, 佐丹奴以53萬租下, 丟空了幾個月, 最後以40萬租出, 比三年前的舊租約更低. 黃枝記於11年以所謂當時的筍價35萬租用同區士丹利街至今.... 近年再於銅鑼灣開新店, 據聞...是由第三代傳人一手包辦.... 後生仔作風, 看報紙介紹那款....粘米粉加生粉和澄麵做的腸粉, 蒸後放雲石上捲, 急速降溫效果, 特別彈牙..... 所以專登來試一試...之前亞坤咖啡開門不足一年, 閃電執笠, 樓上舖劈租, 趁租金回落, 黃枝記承租, 租金.....又是據聞...大約20萬元, 平均每呎也只是40元, 比舊租客貴了廿個巴仙.... 咁.... 即係..無劈租, 反而加了喎...好神奇... 店內掛著對聯"無酒安能邀明月, 有錢最好吃雲吞"... 未有時間查出處和歷史因由... 放檯面的調味料, 不是用本港雲吞麵店常用的辣椒醬, 而是用較辣的潮州式辣椒油, 味道香, 但不算太辣.來到名店, 要鎮店之寶是常識吧.....雲吞麵 $38, 又來據聞了.... 麵條每隔數天, 由澳門直送到港.... 咁遠水路? 咁麻
香港在14年尾的租金見頂, 二線區域的舖租首先大跌, 黃枝記在威靈頓街的舊舖, 佐丹奴以53萬租下, 丟空了幾個月, 最後以40萬租出, 比三年前的舊租約更低. 黃枝記於11年以所謂當時的筍價35萬租用同區士丹利街至今.... 近年再於銅鑼灣開新店, 據聞...是由第三代傳人一手包辦.... 後生仔作風, 看報紙介紹那款....粘米粉加生粉和澄麵做的腸粉, 蒸後放雲石上捲, 急速降溫效果, 特別彈牙..... 所以專登來試一試...
之前亞坤咖啡開門不足一年, 閃電執笠, 樓上舖劈租, 趁租金回落, 黃枝記承租, 租金.....又是據聞...大約20萬元, 平均每呎也只是40元, 比舊租客貴了廿個巴仙.... 咁.... 即係..無劈租, 反而加了喎...好神奇... 店內掛著對聯"無酒安能邀明月, 有錢最好吃雲吞"... 未有時間查出處和歷史因由...
放檯面的調味料, 不是用本港雲吞麵店常用的辣椒醬, 而是用較辣的潮州式辣椒油, 味道香, 但不算太辣.
來到名店, 要鎮店之寶是常識吧.....雲吞麵 $38, 又來據聞了.... 麵條每隔數天, 由澳門直送到港.... 咁遠水路? 咁麻煩?!??! 係真唔係呀?!?!
澳門做麵, 與香港的雲吞麵店不同, 不會用鹼水, 所以食落口時的彈性略低, 但其實更貼近自然的麵條軟度, 而且不會鹼水味蓋過麵味, 不需加醋也食得自然.
上乘雲吞麵, 除了麵要優質, 當然也要雲吞配合, 名店的雲吞, 自然也是皮薄餡靚, 餡料是兩成豬肉和原隻河蝦, 有咬口之餘, 蝦味也是十足.
來這店, 就是要試一試所謂的雲石檯做的腸粉, 據介紹裡講, 腸粉是用粘米粉、生粉及澄麵調製, 師傅把粉漿蒸熱, 再放在特製的雲石桌上捲, 腸粉因此急速降低溫度, 所以食落特別彈牙...喎...
切面觀察腸粉, 的確夠幼細, 卷狀夠薄, 一層層清晰, 至於所講....蒸好後在雲石桌上捲...會急降溫的效果, 我...意境上feel到些少..... 但唔知點樣食得出...哈哈..., 我水準低, 要再受訓練....應該係......哈哈... 不過, 腸粉...食落..真係幾彈牙, 而重點..是有米香, 街外難見...
材料豐盛的及第粥, 有肉丸、豬膶、豬腰、豬肚、豬腸等.... 第粥原來面目以肉丸代表狀元，切花豬腰或粉腸代表探花，豬膶片代表榜眼，後來才加入豬肚或豬心, 又名"文武及第粥". 厚切豬膶, 生熟程度剛好, 甘香. 豬腰脆口, 無腥味, 粉腸不韌無渣, 肉丸鮮香, 而不是潮州式的爽口彈牙, 粥身綿香, 掛羹亮度夠, 食到碗底無"生水".... Good吖...
張貼
