杏香園 (已結業)

今日嚟咗九龍城食糖水，九龍城出名食肆多，出名嘅甜品小店亦都唔少，今次就揀咗杏香園。之前係澳門食過，算係澳門老字號，好多人排隊，見到香港都有分店，當然要嚟試下！椰汁白果馬蹄沙（凍），好足料，好少糖水舖可以食到呢啲傳統糖水，好啱夏天食，食完真係透心涼！蛋白腐竹合桃露（熱），舖頭嘅招牌糖水，強調係生磨嘅，望落比一般合桃露稀，食落好滑！仲有蓮子，估唔到合桃露同蓮子都幾夾，蓮子有咬口但唔會太硬，感覺呢個糖水更加養生！腐竹湯丸糖水（熱），腐竹糖水唔同我哋食開嗰啲，腐竹煲得好爛，應該都係老火湯水嚟，重點係啲湯丸，係人手製嘅，而且入面嘅花生餡都幾多，餡料唔會太甜，唔同市面食嘅湯圓！