Deus Café (已結業)

※本文以用餐當日的環境、服務和食物質素為準，口味亦因人而異，文章只作參考之用。-最近The One 2樓i.t.裝修完後，開左間來自澳洲的Deus Cafe。澳洲的Deux Ex Machine係電單車和衝浪的品牌，來到香港就開左Deux Cafe主打澳洲輕食同咖啡。累了可以係度休息一陣，飲下咖啡很不錯，最重要係咖啡茶類都不貴呢！裝修以木系為主，座位不多，有一張大長檯和幾個面牆位置，仲有提供小籃子置物和USB沖電，很貼心。餐點貴精不貴多，圖文並茂清楚簡潔。落單地方都有食物既display睇到。法式鮮果多士 $72將麵包加入蛋漿後再煎至金黃色，面頭還加了少許糖漿和鮮果等（鮮忌廉另外附上）。食落外層帶微微脆度，咀嚼中亦富有蛋香但不算重。鮮果椰香奇亞籽布甸 $69據說「奇亞籽」有幫助消縮便、紓緩便秘既作用；有豐富既營養價值和飽肚感，所以也被評為超級食物。而呢款加入左奇亞籽、麥片、鮮果和椰子乳酪既配搭，椰子味突出，食落幾似健康版既椰汁西米露，好食又夠飽肚，食完一碗真係夠飽。Flat White $36、凍伯爵茶 $28鍾意佢地既飲品味道唔錯，價錢唔貴，有再來的理由。