影片
更多
2018-07-18
96 瀏覽
有野做落左中環, 順便搵中環返工既表哥食個晚餐傾下計, 佢話最近LKF開左間幾好既日本餐廳想去試下, 有好野食我當然冇問題啦！餐廳雖然係食日本菜, 但係走型格酒吧路線, 地方寬敞, 仲有戶外區俾鍾意露天飲酒進食既客人 (同埋方便食煙既客人, 哈哈), 店員禮貌招呼我地入座, 我地揀左對住部大電視既卡位, 如果睇波個陣上黎食飯飲野氣氛一定好好！店員遞上餐牌俾我地並作簡單介紹, 由於我地樣樣都想試所以揀左d時間, 外國店員見到就好主動埋黎問我地係咪有咩問題, 深入介紹每款菜係咩黎, 抵讚!Asari Miso Shiru日式蜆湯有蜆既海鮮甜味加上昆布, 不錯Tenkei Gunkan餐廳既signature 壽司一客三件, 包括新鮮既海膽、帶子粒同辣吞拿魚蓉壽司做得好精緻, 飯已拌有紫菜碎, 一啖一口size岩岩好!Scallop Crudo同樣又係擺碟好靚既菜式, 底屠係牛油果蓉,上面有鮮甜既帶子刺身, 加上辣辣地既汁, 呢個配搭有層次感、味道又好好! Uni Ikura Don海膽三文魚子飯海膽分量多而且新鮮, 三文魚子粒粒圓碌碌, 證明一定新鮮! Combo Seafood Don
餐廳雖然係食日本菜, 但係走型格酒吧路線, 地方寬敞, 仲有戶外區俾鍾意露天飲酒進食既客人 (同埋方便食煙既客人, 哈哈), 店員禮貌招呼我地入座, 我地揀左對住部大電視既卡位, 如果睇波個陣上黎食飯飲野氣氛一定好好！
店員遞上餐牌俾我地並作簡單介紹, 由於我地樣樣都想試所以揀左d時間, 外國店員見到就好主動埋黎問我地係咪有咩問題, 深入介紹每款菜係咩黎, 抵讚!
Asari Miso Shiru
日式蜆湯
有蜆既海鮮甜味加上昆布, 不錯
Tenkei Gunkan
餐廳既signature 壽司
一客三件, 包括新鮮既海膽、帶子粒同辣吞拿魚蓉
壽司做得好精緻, 飯已拌有紫菜碎, 一啖一口size岩岩好!
Scallop Crudo
同樣又係擺碟好靚既菜式, 底屠係牛油果蓉,上面有鮮甜既帶子刺身, 加上辣辣地既汁, 呢個配搭有層次感、味道又好好!
Uni Ikura Don
海膽三文魚子飯
海膽分量多而且新鮮, 三文魚子粒粒圓碌碌, 證明一定新鮮!
Combo Seafood Don
七款魚生飯
首先....D剌身擺得好靚，其次, 吞拿魚色澤鮮潤、三文魚同三文魚子新鮮、帶子同墨魚鮮甜....一個字: 正!
Chicken Karaage
本身想嗌炸魚薯條, 但店員推介炸雞, 就試下啦
結論係,....的確係正! 炸粉份量剛好，雞肉塊外脆內嫩
飲品方面，客人可以叫cocktails, 手工啤
我食緊藥所以揀左無酒精飲品
Mocktails – bartender可以幫客人調制獨定既特飲, 話俾店員知你唔食咩生果就會幫你調架啦!
呢杯有雜莓同薄荷葉，食炸物可解膩
最後我地仲叫左兩款甜品
Mochi – 如果鍾意食mochi甜品既人一定要試, 廚師將mochi切成條狀，炸完後加上黑糖醬, 切開mochi熱辣辣又軟林林，配埋雲呢拿雪糕一齊食，好好味!
Macha Churros - 迷你Churro 充滿抹茶味，脆卜卜好香口， 我鍾意沾埋煉奶食👍🏻
同店員傾計個陣佢話呢間餐廳可以包場開Party, 有興趣既朋友可以考慮下~
張貼
