潮福蒸氣石鍋 (已結業)

要數呢排大熱食店一定係海鮮蒸氣鍋。呢一日終於有機會一試，而且一試就食最正宗的潮福。新蒲崗好在有得泊車，泊好車就入座。Menu十分簡單，只有一個套餐：三款主打食品，四款自選海鮮，任食蔬菜肉類，任飲果汁汽水。打頭陣的燉湯足料夠味。乳鴿都係出奇地香脆嫩滑。先下粥底，就可以開始蒸海鮮了。海鮮當中先上蜆仔，無咩睇頭，但入口有驚喜，原來小小的蜆先係一切鮮味的來源。龍蝦大大隻夠睇頭，肉厚彈牙，新鮮龍蝦配少少蔥蔥香味，正。蠔大大隻唔腥，裡面好creamy。聖子王有少少蒜容吊味，十分惹味。魷魚份量十分多，而且係預先醃入味的，有唔少誠意。海鮮過後就是各式肉類同蔬菜。味道不過不失，但也沒有驚喜，畢竟亮點係海鮮。最後的粥底就是精華所有，煲左兩小時的粥底軟綿綿，又吸引哂所有海鮮蔬菜的精華，唔駛調味已經好香濃。好味到我地食清光。蒸氣火鍋除左要新鮮，火候都好重要。全晚的食物火候岩岩好，海鮮剛剛熟，全賴姐姐照顧我地。呢度每台都有姐姐照顧，較好時間制放不同海鮮入內，控制火候蒸出最好的食物，誠意分再加分！