影片
更多
2015-04-02
600 瀏覽
2015.03.31唱完幾粒鐘K同行左幾粒鐘街之後，我同朋友諗住搭小巴翻屋企，點知小巴要十一點先有。咁好啦，都要搵地方Hea下嘅。小巴站附近呢一間韓冰店，幾個月之前經常可以係IG見到佢嘅身影。而我身為一個韓迷，一早就對佢產生濃濃嘅興趣，尤其係佢啲빙수。😍但係佢外面經常出現嘅長龍，令我卻步左。咁難得有時間出面又冇人排隊，一於就黎呢度潮聖順便hea埋個二三十分鐘距。我地三個人被安排坐係最入面，旁邊就係廁所位。好彩個日冇乜人要使用廁所，如果吾係都幾吾方便。但冇計，間舖太細又多人係咁架啦。係十幾款嘅빙수入面，我地選擇左其中兩款。1.原味甜蜜蜜麻糬雪奶(HKD45)呢個我冇影相。外表係靚嘅。上面啲粉好乾，要撈埋啲冰食先ok。啲冰有濃濃嘅奶味，算係吾錯。(但吾知係咪加左煉奶嘅緣故先會咁)2.曲奇雪奶(吾記得全名)(HKD55)呢個係我一入到去諗都冇諗就叫嘅빙수.因為上年八月我係韓國某快餐店同仁川機場食過同一種款式嘅빙수，真係好好味，好懷念個種味道。見到餐牌上面有，梗係點佢食啦！點知。。可能希望大，失望就大。。除左個ice cream同啲曲奇好食，其他就。。算啦。。上面個個仲好食過佢。。我地三個都算
唱完幾粒鐘K同行左幾粒鐘街之後，我同朋友諗住搭小巴翻屋企，點知小巴要十一點先有。咁好啦，都要搵地方Hea下嘅。
小巴站附近呢一間韓冰店，幾個月之前經常可以係IG見到佢嘅身影。而我身為一個韓迷，一早就對佢產生濃濃嘅興趣，尤其係佢啲빙수。😍但係佢外面經常出現嘅長龍，令我卻步左。咁難得有時間出面又冇人排隊，一於就黎呢度潮聖順便hea埋個二三十分鐘距。
我地三個人被安排坐係最入面，旁邊就係廁所位。好彩個日冇乜人要使用廁所，如果吾係都幾吾方便。但冇計，間舖太細又多人係咁架啦。
係十幾款嘅빙수入面，我地選擇左其中兩款。
1.原味甜蜜蜜麻糬雪奶(HKD45)
呢個我冇影相。外表係靚嘅。上面啲粉好乾，要撈埋啲冰食先ok。啲冰有濃濃嘅奶味，算係吾錯。(但吾知係咪加左煉奶嘅緣故先會咁)
2.曲奇雪奶(吾記得全名)(HKD55)
呢個係我一入到去諗都冇諗就叫嘅빙수.因為上年八月我係韓國某快餐店同仁川機場食過同一種款式嘅빙수，真係好好味，好懷念個種味道。見到餐牌上面有，梗係點佢食啦！點知。。可能希望大，失望就大。。除左個ice cream同啲曲奇好食，其他就。。算啦。。上面個個仲好食過佢。。
我地三個都算細食，兩碗冰對於我地黎講其實有啲多😂😂不過如果你地想坐一陣或者hea一陣再食就吾好啦，因為啲冰好快溶。同埋好吾好食呢家野就見仁見智啦，我覺得叫做ok，仲有空間進步，但吾會回頭再試。我其中一個fd就話以後都吾黎。因為吾知食左乜落肚。的確係，如果對冰冇乜大興趣或者俾外表吸引左嘅人，我建議你地都係吾好黎試啦。
張貼
