影片
更多
2015-09-02
4312 瀏覽
上個月同班舊同學食飯有同學提議試下呢個蒸氣火鍋，大家一致贊成咁小公主就負責打電話BOOK位BOOK位既過程都有D勞氣本來想BOOK 7點半，點知呀姐話無咁我話BOOK8點得唔得呀? 佢就話8點OK，黎到等咁其實真係8點有無位呢??如果無，其實我可以8點3/8點半但佢就不斷都係Repeat ''8點OK，黎到等'' -_-''咁當日小公主已經早小小到最後差唔多8點15先上到去每張櫃中間都會有一個咁樣既蒸氣石鍋同一個timer，比你蒸食物既時候計時除左睇menu點菜之外佢仲有一個放新鮮海鮮既area你可以行出去睇下想食d咩之後即場叫食火鍋點可以無醬料，出面有個自助醬料區由最基本既蒜、蔥、沙茶醬到醋、麻油、麻醬都有不過可能太多人用，果個area都幾亂下叫哂野食之後呢，記得點埋呢個新鮮排骨粥 (小:$60 中$100)係未食任何野之前，待應會先將米，排骨同南瓜加係鍋底咁之後一路蒸d野食既時候，食物d汁就會係蒸架到流落去所以最後個粥就會吸收哂所有食物既精華呢個粥真係好好食，雖然你見一開頭得好少料但最後真係好鮮味，而家煲得勁滑我地個個雖然食到好飽，但最後都爭住食呢個粥店員叫我地一開始食哂d海鮮先呢
有同學提議試下呢個蒸氣火鍋，大家一致贊成
咁小公主就負責打電話BOOK位
BOOK位既過程都有D勞氣
本來想BOOK 7點半，點知呀姐話無
咁我話BOOK8點得唔得呀? 佢就話8點OK，黎到等
咁其實真係8點有無位呢??如果無，其實我可以8點3/8點半
但佢就不斷都係Repeat ''8點OK，黎到等'' -_-''
咁當日小公主已經早小小到
最後差唔多8點15先上到去
每張櫃中間都會有一個咁樣既蒸氣石鍋同一個timer，比你蒸食物既時候計時
除左睇menu點菜之外佢仲有一個放新鮮海鮮既area
你可以行出去睇下想食d咩之後即場叫
食火鍋點可以無醬料，出面有個自助醬料區由最基本既蒜、蔥、沙茶醬到醋、麻油、麻醬都有
不過可能太多人用，果個area都幾亂下
叫哂野食之後呢，記得點埋呢個新鮮排骨粥 (小:$60 中$100)係未食任何野之前，待應會先將米，排骨同南瓜加係鍋底
咁之後一路蒸d野食既時候，食物d汁就會係蒸架到流落去
所以最後個粥就會吸收哂所有食物既精華
呢個粥真係好好食，雖然你見一開頭得好少料
但最後真係好鮮味，而家煲得勁滑
我地個個雖然食到好飽，但最後都爭住食呢個粥
店員叫我地一開始食哂d海鮮先呢個係花蛤皇 ($128/斤)，蒸5分鐘就有得食喇
每一粒蛤都係好飽滿好甜，又無沙
南非8-10頭鮮鮑 ($68/隻)我地跟指示蒸左5分鐘，不過覺得有d唔係好夠熟
肉厚唔韌，都幾鮮甜
日本大元貝皇 ($68/隻)帶子好好食，店家預先鋪定粉絲同蒜
蒜好咩都唔駛點，肉厚同超級鮮甜
象拔蚌仔 ($78/隻)店家預先幫你切好一條條，肉質爽口，正
花竹蝦 ($38/一兩)我地當日叫左一斤，大概有10-12隻到
d蝦隻隻都有我手掌咁長
肉質勁陣牙，新鮮既海鮮真係呃唔到人
呢到除左海鮮，都有唔同既肉類我地就叫左半隻蟲草花蒸雞 ($148)
雞肉算有彈性，唔係冰鮮雪到淋哂果d
而且店家有先用生粉撈一撈隻雞，所以食落都好滑
清蒸和牛(大:$288)和牛一塊塊鋪好係個蒸籠到
因為我地太心急放落去蒸，所以冇影到蒸好之前係咩樣
每塊牛肉d雪花都平均分布，勁有牛味，正!
最後都要叫d蔬菜食下既，分別叫左:肉碎蒸什菇($98)同埋蒜茸煎勝瓜($78)
不過蒸個什菇既時候出左小小意外，
就係個爐無啦啦自己關左
叫d待應黎睇，整左之後都唔得
最後個菇蒸左成10分鐘都有
可能翻蒸左太多次，攪到個菇食落好似怪怪地咁
介乎係熟同唔熟之間
相比之下，勝瓜就好食好多
夠嫩無蒸，仲要吸哂d蒜茸既香味
小公主覺得今次既蒸氣火鍋都係一個唔錯既體驗
蒸氣既方法，更加能夠保存食物既味道，而且好健康
加上潮福既食物質素都好好，所有野都好新鮮
不過讚完之前都有d野要改善
最主要都係員工方面，好似一開始訂位既姐姐啦
甚至係樓面工作既員工，好多時問佢地野都答唔到
中間個鍋停左，我地都要問左2-3個員工先整番好
因為蒸氣火鍋每次只係食一樣野，
所以個鍋一停，就變相要等好耐先再有野食
而價錢方面，小公主覺得真係有小小貴
雖然一分錢一分貨，但我相信比同樣價錢
其實出面都有好多選擇，甚至乎係烹調好咁比你食
如果價錢可以調整下會更好!!
張貼
