潮福蒸氣石鍋 (已結業)

蒸氣火鍋聽就聽得多，食就第一次。朋友推介潮福蒸氣石鍋，就即管去試下。地方乾淨企理，唔似出面酒樓咁嘈。員工好好服務態度，每一次蒸完都有員工分菜，完全唔洗自己郁手，值得一讚。燉湯唔似外面既例湯，真材實料。飲品任飲多選擇，有竹蔗水、啤酒、汽水、蘆薈汁等。員工推介蟶子超大隻，海鮮夠新鮮。最欣賞佢既手切和牛肉，薄薄地夠嫩口。粟米超甜，encore左2次！粥底鮮甜，雖然好飽，依然清哂！