影片
更多
2016-04-15
3159 瀏覽
人生第一次食粥底火鍋，有d期待，因為其實都係臨時臨急決定去食，打去book位都怕無位，但估唔到仲有位，附近都有好多類似既野食，位置比較辟，係d巷尾到，揾都揾左一陣，好彩無遲到，餐廳係無餐牌，視乎當日有咩而俾咩你，所以你入到去坐底咩都唔使講等一陣就有野食，價錢就係$188@1再加一，有11樣野食，大部份都係海鮮，以下係二人份量一坐底就已經有煲粥水係到，不過我覺得唔夠結，無左綠完之後d野食有層漿個種口感，因為呢個都係粥底火鍋既特色黎嫁嘛首先就落左d雞同粟米蘿蔔落去，令到個粥底甜d，油炸鬼浸完d粥水食好開胃海鮮就有呢幾樣，全部都好新鮮！其實仲有蝦，不過太新鮮驚佢跳出黎所以用隻碟壓住，蝦肉又彈牙又大隻，不過魷魚就少左d，每人得一片同一隻腳，不過又有蠔，鮑魚，蟹同一條黃立倉所以都幾吸引而肉類除左頭先隻雞之外就有呢d，肥牛有牛味，唔會太肥，丸無乜特別，肉類比較少，可能一陣d水要用黎煲粥，所以唔會有太多肉，因為d肉會令到d水變濁到最後就係重頭戲煲粥啦！因為掛住食無影到個過程，臨煲粥之前都見到好多綠完肥牛個d啡色泡係到，原來店員會幫你筆走佢先，咁都安心d，首先放d南瓜落去煮淋佢先，之後就落個粥膽，最
人生第一次食粥底火鍋，有d期待，因為其實都係臨時臨急決定去食，打去book位都怕無位，但估唔到仲有位，附近都有好多類似既野食，位置比較辟，係d巷尾到，揾都揾左一陣，好彩無遲到，餐廳係無餐牌，視乎當日有咩而俾咩你，所以你入到去坐底咩都唔使講等一陣就有野食，價錢就係$188@1再加一，有11樣野食，大部份都係海鮮，以下係二人份量
一坐底就已經有煲粥水係到，不過我覺得唔夠結，無左綠完之後d野食有層漿個種口感，因為呢個都係粥底火鍋既特色黎嫁嘛
首先就落左d雞同粟米蘿蔔落去，令到個粥底甜d，油炸鬼浸完d粥水食好開胃
海鮮就有呢幾樣，全部都好新鮮！其實仲有蝦，不過太新鮮驚佢跳出黎所以用隻碟壓住，蝦肉又彈牙又大隻，不過魷魚就少左d，每人得一片同一隻腳，不過又有蠔，鮑魚，蟹同一條黃立倉所以都幾吸引而
肉類除左頭先隻雞之外就有呢d，肥牛有牛味，唔會太肥，丸無乜特別，肉類比較少，可能一陣d水要用黎煲粥，所以唔會有太多肉，因為d肉會令到d水變濁
到最後就係重頭戲煲粥啦！因為掛住食無影到個過程，臨煲粥之前都見到好多綠完肥牛個d啡色泡係到，原來店員會幫你筆走佢先，咁都安心d，首先放d南瓜落去煮淋佢先，之後就落個粥膽，最後落葱就完成，其實個粥清左d，靠d葱調味，頭先綠左咁多海鮮仲以為會好鮮甜，但完全無味，有d失望其實最後個粥都幾大煲下，每人到少分到3碗，本身一開頭海鮮同少少肉同丸其實唔太飽肚，到最尾係個粥塞飽你，以$200左右既價錢食到咁多新鮮海鮮還可以既，不過就唔會話係抵食，因為每樣每人淨係分少少，同埋如果有d指示說明每樣海鮮要煮幾耐就更加好，因為好似鮑魚同蠔個d有d難去判斷食得未，店員亦都可以提下幫下手，環境亦都迫左少少，不過成餐都覺得ok既，但而家食粥底火鍋既選擇都幾多，所以下次我未必會食呢間
張貼
