影片
更多
2015-07-04
3236 瀏覽
近排好似潮興蒸海鮮圍威喂喎～未出發去韓國食九層塔海鮮之前，先試一試港式蒸海鮮啦～旺角道壹號正好出現一間可以去試嘅新店「潮福蒸氣石鍋」。未開餐之前先反映一下，入座安排好差！！其實已經早一星期訂位，接電話安排嘅同事雖然都答唔到準時俾到位，叫我地去到都要等一等⋯結果一等就等左45分鐘⋯仲愈等愈多人！最後逼爆要企出門口等，最搞笑係問佢大概仲要等幾耐？mark位小姐都答唔到，原來係冇限食幾耐，就算食飽唔走繼續傾偈，等緊嘅客都要繼續等⋯其實，真係建議佢頭輪set返個時間，起碼最少可以留幾多位俾客人book,亦有個時間俾到客人大概仲要等幾耐⋯而唔係無了期！新開張吧？安排的確好差！或者一半可以落booking,一半要walk in都ok呀！呢樣真係要改變，雖然好食，但咁樣嘅安排真係好趕客，好難有下次。等到中段時間，店員竟然問客人要唔要轉移陣地去新蒲崗分店，話因為旺角太多人⋯但人生路不熟，結果都冇人願意。留意到店內poster，嚟緊會有三間分店開張⋯犀利！果然食住條水，但人手安排一定要改善。好喇！發嘮叨完，開始發表膳段感。由地下踏電梯上一層便係用餐嘅地方，其實環境都幾大，酒樓咁款！但原來張張都係大檯，好
未出發去韓國食九層塔海鮮之前，先試一試港式蒸海鮮啦～
旺角道壹號正好出現一間可以去試嘅新店「潮福蒸氣石鍋」。
未開餐之前先反映一下，入座安排好差！！其實已經早一星期訂位，接電話安排嘅同事雖然都答唔到準時俾到位，叫我地去到都要等一等⋯結果一等就等左45分鐘⋯仲愈等愈多人！最後逼爆要企出門口等，最搞笑係問佢大概仲要等幾耐？mark位小姐都答唔到，原來係冇限食幾耐，就算食飽唔走繼續傾偈，等緊嘅客都要繼續等⋯其實，真係建議佢頭輪set返個時間，起碼最少可以留幾多位俾客人book,亦有個時間俾到客人大概仲要等幾耐⋯而唔係無了期！新開張吧？安排的確好差！或者一半可以落booking,一半要walk in都ok呀！呢樣真係要改變，雖然好食，但咁樣嘅安排真係好趕客，好難有下次。等到中段時間，店員竟然問客人要唔要轉移陣地去新蒲崗分店，話因為旺角太多人⋯但人生路不熟，結果都冇人願意。留意到店內poster，嚟緊會有三間分店開張⋯犀利！果然食住條水，但人手安排一定要改善。
好喇！發嘮叨完，開始發表膳段感。
由地下踏電梯上一層便係用餐嘅地方，其實環境都幾大，酒樓咁款！但原來張張都係大檯，好多都係坐得半圍⋯頓知等得耐嘅原因！！
調味醬要出去固定位置自取，仲有一渣渣嘅飲品，但要付款的哦!有一邊位置擺到好似海鮮販賣場一樣，客人可先去望望有乜嘢海鮮，然後叫店員安排稱幾多,牆上亦標示各海鮮價格。
蒸鍋底係一個粥盆，又差啲俾落單嘅阿叔跣一穫，一行五人問阿叔要咩份量嘅粥底先適合我地，點知話叫個大嘅⋯材料嚟到都嚇親佢同事另一位姐姐，問我地有冇搞錯咗？一碗白米再山丘咁高⋯阿姐即刻幫我地換成中份量嘅粥底⋯嘩！嗰碗小山丘咁高嘅白米⋯應該可以煮到幾碗白飯⋯諗返都嚇一餐呀！開爐前，店員先將白米倒入檯中間個鍋度，再加入肉塊、南瓜、菜莆、青蔥粒作為粥底調味。
每檯都有一個計時鐘，方便客人計算每款食物蒸幾耐，餐牌上亦註明了各款食材要蒸幾長時間，可惜餐牌唔夠分⋯要靠店員自己記，但店員又未必全部清楚，唉！扣分呀！
由於等位等得太耐，開大餐先都忍唔住叫啲前菜醫醫肚先！青瓜、麻辣雞、豬手⋯其實味道應該一般，但當時肚餓到咩都變佳品啦。首先嚟個蒜蓉蒜龍蝦（$98/隻），蒸咁8分鐘！蝦肉夠彈牙，而且鮮甜美味！好味呀！！必試推介！
蒜蓉龍蝦
$98
174 瀏覽
0 讚好
0 留言
211 瀏覽
0 讚好
0 留言
扇貝⋯反而覺得麻麻⋯唔知係蒸耐咗定點呢，老左啲，肉質偏韌，唔夠彈牙。
蒸蓉蒸勝瓜，一流！
129 瀏覽
0 讚好
0 留言
BB象拔蚌，蒸出嚟個樣唔多討好，但意外地好食。
鮑魚，肉質爽彈，但嫌味道不夠，姜味太重。
石蠔，口感一般，如果改用蒜蓉蒸可能會好味啲。
最後，當然係享用集全部海鮮精華於一身嘅粥底啦, 但打開蒸籠嗰一刻係有啲失望！因為本以為好似生滾粥形態嘅粥湯⋯竟係粥糊⋯海鮮餐已經滿足飽飽，睇到盆粥糊⋯頓覺好飽囉！結果每人都係食咗一碗仔就當完全喇！因為粥太糊，海鮮味又不足，胃口都變細咗喇。最最最後，飯後甜品～香甜西瓜！唔錯唔錯，肉質起沙，多汁又甜。食物環境都幾好，可惜人手安排差劣，無人服務，竟然要加一服務費囉！蒸煮過程八成時間都係自己搞掂，想搵個店員幫手都好難！再嚟與否要睇緣份喇～
張貼
