2DP (已結業)

之前行過厚福街呢間舖頭，個名好特別，裏面裝修幾清新，原來係素食店，今日就過來試試。走簡約風同現代化的店舖，應該吸引不少年輕一族，牆上的叉電插蘇，就知道老闆幾體貼現代人嘅需要。大裝飾櫃有test tube放茶葉，又有茶杯，乾花，有關食物嘅書本，幾雅緻午市套餐揀咗味噌蟲草花金針菜漢堡餐湯藜麥南瓜湯先上，個湯加上藜麥，感覺好健康呀!蟲草花同金針菜做漢堡包餡料，夾雜着味噌醬，好惹味，最特別係嗰片炸雲吞皮，好香脆，仲有新鮮沙律菜同鬆軟漢堡飽，要用刀叉慢慢品嚐。 伴碟唔係一般嘅薯條，係粗番薯條，纖維同營養價值比薯仔高，甜甜地好好味見到佢哋有幾款新飲品，叫咗杯雙色紫薯奶茶17’s杯底有黃薯同紫薯打成蓉，中間奶茶，飲落啲茶唔似普通嘅錫蘭茶，比較香濃同厚身，仲有少少回甘，不愧係用中國名山高品質茶葉煮成，面頭既cream加咗啲椰子薄脆，飲落少少椰香，層次豐富。套餐可以只係加$18飲餐廳任何飲品，超值👏其實都見唔少人喺度買飲品 take away。原來舖頭名2DP即係2 decimal place， 取其精準化，標準化，現代化。 希望佢哋可以堅持呀!