潮膳 (已結業)

今晚去左灣仔食飯，男朋友想食潮洲菜，行行下見到有間「潮膳」。上網睇到餐廳評語唔差，我地就入去食個晚餐！一人前鮮淮山豬肚湯。湯汁清香豬肚唔會有腥味，豬肚爽口爽嫩，入口滿口滋潤。沙茶牛肉炒菜心。沙茶牛肉醃得極是入味香濃，牛肉香嫩香滑，牛肉無渣！香口牛肉加上菜心，菜心爽甜唔會太老！蠔餅用上香煎造法，唔係一般炸蠔餅。蠔肉大隻無腥味，煎得香口唔油膩！方魚蠔仔粥！粥底綿密香甜，蠔仔香嫩，每口粥都是香口濃郁味道！