潮膳 (已結業)

約左親戚食飯又係替牌食中菜🤨三個人叫左個2人餐，份量幾多又抵食！240幾元有多個2人份量，可以選一個小食，一個拼盤，兩個主菜，加錢升級要燉湯，仲有糖水。前菜係滷水拼盤,有豆腐、鵝，味道唔錯，仲有d豬腩肉，份量都幾多，兩人餐兩個人食可以打包。前菜選左炸豆腐，味道清清地都唔錯，唔會話好油炸甘。我地加錢要左個黑椒豬肚湯，老人家話驅寒😂都幾重料，好多塊豬肚，味道好重胡椒味。冰梅脆香骨，味道甜甜地，外皮脆，排骨都幾肥美，啖啖肉呀！本來想叫馬友但冇曬，所以選左烏頭，點黃色的汁，我屋企都成日甘食好有家鄉的味道😂老人家話要有飯氣，叫左個潮州蠔仔粥，唔錯唔錯，好抵食！大大碗幾個人分！仲有送湯水個綠豆唔錯，好似好清熱氣甘😂為呢餐畫上完美句號！！舖頭愈夜愈多人，好有住家飯既感覺。