這間私房菜, 由名廚主理, 師傅獎牌多, 有信心又有水準, 我真係有口福.
馳名潮州菜必食 [ 滷極品之鵝]
牆上木刻對聯 [四海賓朋長流遠, 過了吾店無此館] 此店食客來自世畀各地, 口碑好. 只做晚市及接待兩檯客人.
中式餐具, 菜牌內印上菜館替我們準備好的菜單.
頭盤, 主菜, 湯, 甜品, 水果共 10 項, 今個晚餐, 真正 十全十美.
等候上菜時間, 飲口潮州功夫茶, 及吃些開胃小點: 炸脆花生及甜酸菜, 好極了.
美味前菜, 來了一個驚喜, 冷盤三小碟, 雲霧中出現, 帶點新 [潮] 效果.
麻香拌海蜇 ~ 口感爽脆, 沾上了胡麻醬, 香口開胃.
椒鹽脆鮮魷 ~ 金黃香口, 鮮魷夠彈牙.
酒香醉鴨舌 ~ 鴨舌厚實香嫩, 花雕酒香味濃, 真好食.
接著有鎮館名菜 : 滷水鵝片拼秘制鵝肝 ~ 伴有 滷水豆腐和滷水花生.
潮州滷水天下聞名. 古法滷水汁烹煮鵝肉好入味, 肉質軟稔. 墊底豆腐, 口感滑, 富豆香, 調味合意.
秘制鵝肝, 入口甘香, 滷水提味不覺膩.
懷舊脆皮羔燒羊腩 ~ 擺設亮麗.
燒羊腩, 外層有金黃色薄漿炸得酥脆可口, 伴上川椒葉及炸蝦片.
羊腩稔滑, 肥而不膩, 夾炸蝦片或川椒葉同吃, 再沾上西式燒烤汁, 薄荷醬, 果然美妙.
潮州紅燒花膠魚翅 ~ 好有派頭的潮州魚翅. 用紫沙盅送上.
1
夠火喉, 花膠湯底濃郁, 充滿膠質, 潮州魚翅豐厚, 入口絲滑, 好回味.
潮式鹹檸檬蒸馬友 ~ 馬友魚已開邊, 加上鹹檸檬絲用古法烹蒸, 魚肉嫩滑鮮美, 無腥味, .魚味更突出.
潮式紅扣鵝掌鮮鮑魚 ~ 碧綠生菜伴上.
鮑魚稔甜, 鮑味濃. 紅扣鵝掌軟稔彈牙. 醬汁調味相當好.
蒜子蝦乾浸大芥菜 ~ 潮汕家常小菜.
大芥菜配蒜子蝦乾一起煮, 大芥菜甘香清甜, 湯味也不錯.
家鄉乾燒雙面王 ~ 乾燒雙面王煎得外脆內軟, 不油膩, 自行加點糖和醋, 酸甜香脆, 潮州面至正, 必食 !
潮汕香葱返沙芋 ~ 這個傳統甜品, 做得非常好.
芋頭炸至金黃色, 外脆內嫩, 加上橙皮和香蔥絲, 面層貼上白砂糖, 真考功夫 , 吃出潮汕特式.
餐後送時令生果, 紅提子.
這道晚餐, 十全十美, 完滿結束. 盡享私房菜的飲食樂趣 !
