湯底六選一，我哋揀咗澳門豬骨鍋😋因為朋友想食豬骨中間d骨髓😅而且湯底有胡椒都幾開胃，另有：鴨血麻辣鍋，花膠美人鍋，原味牛骨鍋，龍蝦頭海皇海鮮鍋，皮蛋芫茜鍋。
潮汕牛拼盤，雪花牛（只送一份）匙柄，匙仁，牛朴肉，吊龍，五花趾，肥牛。 呢個餐主打系潮汕牛肉仲要係任食🤩 牛肉質鮮嫩濃牛味，每款肉都放上名牌同教埋淥嘅時間。多數淥10秒就食得，咁就食到牛嘅最佳質素。
清遠脆皮雞（只送一份）
呢款雞同平時嘅雞件有啲唔同。 佢細細條有少少皮，淥一陣就好快熟，質感比較爽嫩。
海鮮拼盤就只有一份，一坐低就會送上一份海鮮拼盤，有大扇貝，鮑魚，廣島蠔，海蝦，沙白，海鮮大隻得嚟都好新鮮爽口，鮑魚仲識郁添。 而海蝦，廣島蠔， 沙白，脆骨腩，魚卜，脆魚脘，水魷，可以都可以任食😋
自助區有多款蔬菜，菇類，丸類，魚皮，響鈴等款式都幾多😋
飲品方面有足料嘅竹蔗茅根同埋水果茶成樽攞返枱，唔太甜幾解熱氣🤪另有罐裝，紙包，啤酒，香港製有氣涼茶飲品都很齊全😊
甜品：西瓜，橙，豆腐花，綠豆沙，雪糕，雪條，Haagen Daz 雪糕就一人只有一杯😉
環境相比同棟嘅火鍋放題闊落舒服。 佈置帶有中國特色，卡位比較多坐得舒服，亦有圓枱方便多人聚會。店員很貼心有禮，加湯收碟很勤快，還有圍裙可提供真係很貼心🫰$298呢個價錢有無限時任食好正😍適合慢慢食慢慢傾嘅我地😊[
IMG:2][
IMG:4][
IMG:6][
IMG:8][
IMG:10][
IMG:12]
1
