牛牛鮮

同班牛魔王朋友搵食，去咗旺角呢間主打潮汕牛肉嘅放題。今次試佢個B餐，重點係手切牛任點，手切五花趾、吊龍、匙柄、雪花、牛胸油任食，對於食肉獸來講，真係啱晒！

65

套餐仲會送海鮮拼盤，有鮑魚、桶蠔、海蝦同沙白，全部好新鮮！

坐低後店員就送上個「牛肉拼盤」，有晒咁多款手切牛肉，打卡一流

牛肉方面真心唔錯，各個部位都有特色，牛胸油真係好正問，口感爽脆，好香嘅牛油味！

佢哋係見手切牛肉，唔係機切，所以厚度適中，唔會一淥就散

出面有個自助區，有好多火鍋料、丸類、蔬菜、小食同飲品雪糕，

呢個價錢包埋紅酒、白酒、同指定啤酒任飲，岩哂一班人吹下水、打邊爐，真係爽好多！

1