潮州鹵漢大飯店 (已結業)

潮州沙茶鍋🤘🏻火鍋湯底好重要，呢個沙茶鍋嘅湯底好香，好濃沙嗲味，但係又冇沙嗲味咁辣同咁甜，反而係更加惹味，更加香濃！安格斯牛板腱🤞🏻呢度任食既其中一款牛，好肥美，膏紋分布好平均，肥瘦好適中，肉質好好，好腍，好好食，同沙茶鍋好夾呀，沙茶牛肉正呀！任食海鮮🫰🏻我地呢個餐連海鮮都任食，我好中意食佢地既沙白蜆同鮮蝦，啲蜆又唔會有沙又大隻，鮮蝦真係好新鮮好大隻，好鮮甜好彈牙，好正！手搖海鮮袋 三種味 ( 蒜蓉味，醬油漬，麻辣）🫶🏻我都無見過呢啲火鍋店會有海鮮shake shake袋，仲要任食喎，啲海鮮又夠新鮮，啲龍蝦好大隻，啲肉唔會霉，全部都吸收晒啲味，醬油味又唔辣又香濃，正！黑椒炒牛肚✌🏻呢個都係自己自助拎既小食，牛肚好爽彈，好重黑椒味，加埋香蔥大蒜，好難唔食，食下食下就好快食佐好多啦！