影片
更多
2022-06-26
320 瀏覽
💎總評分：6.5/10-韓／台式火鍋都好普遍，最近發現一間潮式火鍋放題🍲，任食生醃海鮮同打冷滷水。生醃海鮮有D似日式刺身，不過多數係貝殼類🐚，全生/半生情況下用調味料醃制，因為未試過，亦唔多地方有得食，所以呢日有機會就試下。一入餐廳就紅噹噹咁款，天花掛上中式懐舊燈籠🏮，餐具都帶點傳統復古嘅玩味。一共有4個set分唔同時段定價，任食120分鐘⏰，小編特登揀Set B為咗一嚐潮式生醃海鮮！💰Set B $398💰極上安格斯。刺身。滷水。生醃。1️⃣ 湯底8個湯底入面，「豬肚花膠雞」同「潮汕沙茶」都幾吸引😋，小編揀咗店內最出名嘅「招牌滷水」同「特式麻辣」。第一次用滷水做湯底，用左大量花椒八角等香料熬製🫕，好有打冷feel，原鍋己有好多豆腐，大大舊一咬開即滲出湯汁🤩，咁食滷水豆腐包保入味！麻辣無想像中辣，畢竟餐廳唔係川菜館😝。2️⃣ 肉類海鮮極上安格斯套餐有兩款牛🐮，豬羊雞每樣一款，是日海鮮同鯇魚片等🐟。相比下如果升級做極品和牛套餐肉，選擇就多好多🤟🏻，例如澳洲M6極品和牛、澳洲和牛胸油、安格斯牛小排、精選黃牛肉眼等，不過小編今次就試唔到啦🫣。3️⃣ 潮式生醃老實講一開始都怕會肚痛🤫，但係成日聽人講話生醃
-
韓／台式火鍋都好普遍，最近發現一間潮式火鍋放題🍲，任食生醃海鮮同打冷滷水。生醃海鮮有D似日式刺身，不過多數係貝殼類🐚，全生/半生情況下用調味料醃制，因為未試過，亦唔多地方有得食，所以呢日有機會就試下。一入餐廳就紅噹噹咁款，天花掛上中式懐舊燈籠🏮，餐具都帶點傳統復古嘅玩味。
一共有4個set分唔同時段定價，任食120分鐘⏰，小編特登揀Set B為咗一嚐潮式生醃海鮮！
💰Set B $398💰
極上安格斯。刺身。滷水。生醃。
1️⃣ 湯底8個湯底入面，「豬肚花膠雞」同「潮汕沙茶」都幾吸引😋，小編揀咗店內最出名嘅「招牌滷水」同「特式麻辣」。第一次用滷水做湯底，用左大量花椒八角等香料熬製🫕，好有打冷feel，原鍋己有好多豆腐，大大舊一咬開即滲出湯汁🤩，咁食滷水豆腐包保入味！麻辣無想像中辣，畢竟餐廳唔係川菜館😝。
2️⃣ 肉類海鮮極上安格斯套餐有兩款牛🐮，豬羊雞每樣一款，是日海鮮同鯇魚片等🐟。相比下如果升級做極品和牛套餐肉，選擇就多好多🤟🏻，例如澳洲M6極品和牛、澳洲和牛胸油、安格斯牛小排、精選黃牛肉眼等，不過小編今次就試唔到啦🫣。
3️⃣ 潮式生醃
老實講一開始都怕會肚痛🤫，但係成日聽人講話生醃係人間美食，見餐廳乾淨企理先敢試。分別叫左花甲🐚，三文魚🐟，生蝦🦐，醬汁味道有齊酸、甜、辣3隻味，三文魚就同平時食到嗰D一樣，但係原來花甲同蝦生食好爽口，係名副其實嘅鮮味👍🏻！
4️⃣ 火鍋配料自助區除左各款蔬菜、菇、丸、水魷外，特別推介兩款用中式圖案膠兜盛住嘅火鍋配料，花雕酒滑雞片🐔即使用濃味湯底煮熟後，依然有淡淡花雕味🍶，而且超級嫩滑；手打鯪魚滑亦非常彈牙，值得encore💪🏻。另外手打蛋麵賣相特別，輕輕一焯就熟，放太耐就會好容易斷。
5️⃣ 熟食自助區主打嘅滷水原來唔係用APP落單，每日供應不同款式喺自助區任君選擇，今日有滷水鵝、豬耳蓮藕、豬手、豬脷、雞翼🐷，但係menu相中嘅墨魚、紅腸、同小編最愛嘅雞蛋、豆腐呢日都無出🥲。不過驚喜地見到有咖喱牛筋同韮菜豬紅，平時叫淨牛筋都唔平嫁🙊，又屬於高骨膠原食品，味道唔錯食反多D先！
6️⃣ 甜品&飲品甜品只有雪糕🍨，並非大家熟悉嘅名牌，但勝在味道多，試咗「豆腐」同「伯爵茶」，質素都OK喎～飲品除左基本紙包之外🧃，仲有一壺壺清熱養生嘅蜜糖菊花、烏梅水、竹蓆茅根，啤酒好似要另俾錢呢🍺～
用滷水打邊爐的確幾特別💫，而且可以食潮式生醃，算係一次過試足兩樣新野😃，唔食生醃可以叫個平D嘅set添🤭。論火鍋配料同自助區食物，可能未必係最多選擇，但餐廳主推潮式火鍋同滷水，如果滷水小食再多D選擇就更好啦~-
環境服務：⭐⭐⭐
食物質數：⭐⭐⭐
打卡指數：⭐⭐⭐
題外話/補充資料：
🚗 呢日無揸車，但係小店係地舖，泊正出面唔難。
(以上食評乃用戶個人意見 , 並不代表OpenRice之觀點。)
張貼
