影片
更多
2015-09-16
1182 瀏覽
公司傾成咗一張大單，老闆話要搞場慶功宴慰勞各位同事！老闆咁樣講得，即係要食豪D喇！同事們用咗一餐LUNCH嘅時間，就決定咗要去銅鑼灣潮州百樂。快快手打去BOOK位先，仲預留咗間房。 今日大家都準時6點半收工，7點到達銅鑼灣。去到老闆已經點好菜式，埋位等食先。 花雕蛋白蒸花蟹 - 隻花蟹我估計有兩斤幾重，啖啖肉好鮮味，蒸蛋白火候處理得好好！我估計呢隻蟹應該都差唔多要二千蚊。 鮮響螺片 - 呢味菜最考大廚嘅功架，片到薄一薄，入口鮮甜軟滑。真係刀功差D都唔可以做呢道菜，因為只要一片穿，碟響螺就唔再值錢。一隻海響螺嘅價錢大約＄1500起，呢5片響螺片就已經值差唔多＄2000。 魚露紐西蘭羊架 - 羊肉騷味濃郁，魚露味剛剛好唔回蓋過羊肉嘅味道，肉質嫩滑。 滷水鵝腸配鵝肉連骨 - 差唔多有50年嘅滷水汁底，食完唔會好口渴，識食一定喺揀鵝肉連骨，鵝味先夠濃，鵝腸可能因為顧客健康原因，所以片走哂D肥羔，所以覺得失色咗D。。 椒鹽九肚魚拼白飯魚 - 個人超鍾意呢道送酒菜，炸油夠新，粉漿上得夠薄，九肚魚最鮮味，一定要趁熱食，放耐左就真係差D。 酒水都好想推介比大家，SAKE配潮州菜，感覺好新鮮，同滷水特別
花雕蛋白蒸花蟹 - 隻花蟹我估計有兩斤幾重，啖啖肉好鮮味，蒸蛋白火候處理得好好！我估計呢隻蟹應該都差唔多要二千蚊。
鮮響螺片 - 呢味菜最考大廚嘅功架，片到薄一薄，入口鮮甜軟滑。真係刀功差D都唔可以做呢道菜，因為只要一片穿，碟響螺就唔再值錢。一隻海響螺嘅價錢大約＄1500起，呢5片響螺片就已經值差唔多＄2000。
魚露紐西蘭羊架 - 羊肉騷味濃郁，魚露味剛剛好唔回蓋過羊肉嘅味道，肉質嫩滑。
滷水鵝腸配鵝肉連骨 - 差唔多有50年嘅滷水汁底，食完唔會好口渴，識食一定喺揀鵝肉連骨，鵝味先夠濃，鵝腸可能因為顧客健康原因，所以片走哂D肥羔，所以覺得失色咗D。。
椒鹽九肚魚拼白飯魚 - 個人超鍾意呢道送酒菜，炸油夠新，粉漿上得夠薄，九肚魚最鮮味，一定要趁熱食，放耐左就真係差D。
酒水都好想推介比大家，SAKE配潮州菜，感覺好新鮮，同滷水特別MATCH！德國野豬啤酒，配最後嘅椒鹽九肚魚拼白飯魚真係一流！ 今晚老闆都算大手筆，希望公司可以搵多D大客，多D慶功宴啦！
張貼
