潮州鹵漢大飯店 (已結業)

以鮮紅色作為餐廳嘅主調，復古得嚟啲裝飾又暗藏新意，除咗主打嘅招牌鹵水火鍋，仲有各款汁醃海鮮，用qr code落單叫食物，方便又快捷。熟食、蔬菜及丸類、飲品同甜品就自己喺出面拎。b餐：120分鐘無限任飲任食+8樓海鮮鍋 $298湯底包括：潮汕鹵水鍋、特色麻辣鍋、秘製沙嗲鍋、蕃茄濃湯鍋、皮蛋芫荽鍋、清雞湯鍋。今次揀咗清雞湯鍋，最能夠品嘗到海鮮嘅鮮甜呢。坐低無耐就送上一大盤海鮮拼盤：有蝦、蜆、鮑魚、花甲、竹蟶、蟹，另可任叫脆鯇魚、鯇骨腩、白鱔等魚類，整體海鮮非常新鮮，蟹多膏，蝦超爽彈。肉類就只試咗啲牛，包括澳洲草飼黑安格斯肥牛同安格斯牛小排、兩款嘅質素唔錯，牛味算濃郁，油脂分布均勻。其餘推介花雕雞件、粟米豬肉餃子、手打黑松露墨魚滑、以及蝦滑，仲有吸睛指數滿分嘅潮州伊麵！食落極為滑身，似幼麵嘅質地但再幼啲。飲品最值得試就一定係任飲嘅hoegaarden rosee beer，熟食同甜品我太飽就無試，留返俾大家幫我一嚐究竟。