某日見到呢間新開嘅潮州餐廳
心諗個名咁熟嘅...上網一睇!原來係我之前係銅鑼灣食過嘅潮州店😲
真係估唔到係大角咀都開左
銅鑼灣個間以小食同粉麵為主
大角咀呢間就小菜為主
滷水鵝同煎蠔餅對於我哋黎講係必點嘅
菠菜卷真係第一次見，翠綠色幾吸引
之後職員再介紹我哋點清燉荷包鱔，餐廳寫住係要預約嘅
咁啱尋晚淨左一份當然試下
鵝肉厚肉又多汁，滷水並唔係死鹹，鋪底嘅豆腐非常滑😌
菠菜卷，最初仲以為係用菠菜卷住啲餡去炸
但原來係菠菜汁做皮入面包左栗米，芋頭，青豆，蘿蔔，香菇，少少肉碎增加鮮美
香脆可口，忍唔住一條接一條🥹
清燉荷包鱔，外表看似簡單，但原來係傳統潮汕人宴客嘅手工菜
飲一啖湯頭飲得出鹹酸菜嘅味道
因為白鱔用鹹酸菜葉包住，入面有一塊金華火腿增加鮮美
唯一美中不足嘅係燉得唔夠熱，嚿鱔有啲凍同埋冇去骨。所以食嘅時候要小心
煎蠔餅都無銅鑼灣分店咁香口🥲
食完咁多炸野飲番杯鮮榨油柑汁真係好清新
有趣嘅係食野之前飲到少少澀味，但食完野再飲多左個清甜味
正啊
為左個滷水鵝，我係會再去食午市嘅
#大角咀美食#大角咀#潮州菜#潮州小食#香港探店
