影片
更多
2022-12-01
269 瀏覽
今晚有世界盃睇，就跟朋友去咗一間位於尖東半島中心地庫嘅隱世酒吧坐低飲杯嘢，順便食個飯，一舉兩得!，見到入面播緊世界盃，超多歡呼聲，好好氣氛。朋友話呢間酒吧最特別之處，有得叫潮州打冷、仲有得叫超夠鑊氣嘅炒粉麵食。唔鍾意食嘢，亦可以叫Cocktail飲。裏面仲有四部掟飛鏢機，有時睇到悶可以出去掟飛鏢。必食潮州煎蠔餅 $78平時蠔餅食得多，估唔到酒吧整嘅蠔餅都咁有心機咁足料，每咬一啖都有蠔仔。蠔餅炸到好鬆脆，唔會只係得麵粉冇蠔仔。鵝片拼盤 $82估唔到哦片拼盤除咗鵝片之外，仲有芽菜、紅腸、牛耳同豆腐卜。好入味好有滷水味。黑椒牛柳絲炒麵 $54超夠鑊氣，好多牛柳，炒麵用咗油炸過，先再連牛柳絲一齊抄，吸晒牛肉汁嘅精華，每一啖炒麵都有牛味。椒鹽鮮魷 $78超新鮮嘅鮮魷，食落去好爽，唔硬。粉漿亦都好鬆脆，唔會過厚。走地雞（半隻）$108非常新鮮嘅走地雞，食落去外皮非常滑溜肉質亦都非常滑。同海南雞有得揮！ Blue Hawaii $78 (右）海洋嘅藍色令到女仔一定會打卡好吸引，飲落酸酸甜甜好易入口，其實加咗菠蘿汁、藍柑橘酒、檸檬汁、伏特加等。 女仔飲多咗唔知，好易會醉。Daiquiri $88 （左
坐低飲杯嘢，順便食個飯，一舉兩得!，見到入面播緊世界盃，超多歡呼聲，好好氣氛。
朋友話呢間酒吧最特別之處，有得叫潮州打冷、仲有得叫超夠鑊氣嘅炒粉麵食。
唔鍾意食嘢，亦可以叫Cocktail飲。裏面仲有四部掟飛鏢機，有時睇到悶可以出去掟飛鏢。
必食潮州煎蠔餅 $78
平時蠔餅食得多，估唔到酒吧整嘅蠔餅都咁有心機咁足料，每咬一啖都有蠔仔。蠔餅炸到好鬆脆，唔會只係得麵粉冇蠔仔。
鵝片拼盤 $82
估唔到哦片拼盤除咗鵝片之外，仲有芽菜、紅腸、牛耳同豆腐卜。好入味好有滷水味。
黑椒牛柳絲炒麵 $54
超夠鑊氣，好多牛柳，炒麵用咗油炸過，先再連牛柳絲一齊抄，吸晒牛肉汁嘅精華，每一啖炒麵都有牛味。
椒鹽鮮魷 $78
超新鮮嘅鮮魷，食落去好爽，唔硬。粉漿亦都好鬆脆，唔會過厚。
走地雞（半隻）$108
非常新鮮嘅走地雞，食落去外皮非常滑溜肉質亦都非常滑。同海南雞有得揮！
Blue Hawaii $78 (右）
海洋嘅藍色令到女仔一定會打卡好吸引，飲落酸酸甜甜好易入口，其實加咗菠蘿汁、藍柑橘酒、檸檬汁、伏特加等。 女仔飲多咗唔知，好易會醉。
Daiquiri $88 （左）
飲品白玉般的清透，打卡一流。 將荔枝打碎融入酒入面，酸甜滋味。超重荔枝味女生非常容易入口。
張貼
