記得要訂位，是晚Walk in 已經冇晒大枱，好適合一大班朋友歡聚。潮州菜的鐵觀音茶特別好飲，酸菜 也特別好食。
4
網站上找到招牌菜式，我們點了滷水鵝四併盤、海蜇手撕雞、香煎蠔仔烙、沙嗲安格斯牛肉粉絲煲、鮑魚雞粒海皇燴飯。餐牌上好多有特色的菜式可供選擇，樣樣都好想食。
滷水鵝四併盤
鵝肉、紅腸、五花腩肉、鹅腎
潮州菜也講究擺盤精美，四併可以一次過試晒幾款特色滷水，還有滷水豆腐墊底，性價比高。由細至大都鍾意食紅腸，五花腩肉肥瘦相間。滷水鵝肉嫩滑，鹵水滲透每一片鵝肉，鹹香得宜。喜歡食內臟的可以食鵝腎，口感煙韌。
香煎蠔仔烙
食潮州嘢又點少得蠔仔烙？香煎蠔仔烙煎到金黃色，蠔仔份量很足，蛋香味也不錯，外層酥脆，蠔仔鹹香，足料好食。
海蜇手撕雞
賣相係幾吸引，海蜇調味都入味，清爽有彈性又滑，同事們都鍾意食，雞肉嫩滑，開胃小吃。
沙嗲安格斯牛肉粉絲煲
沙嗲醬汁濃稠，滲出辛辣和花生的香氣，配搭上等安格斯牛肉，鮮嫩好吃。牛肉和粉絲一拍即合，美食迷倒味蕾。
鮑魚雞粒海皇燴飯
至於鮑魚雞粒海皇燴飯，我本人十分之喜歡，調味都好好，唔會炒到好油。看得見很多鮑魚，外層金黃內裡嫩滑，軟腍雞粒吸滿鮑汁精華，海皇燴飯入口好有風味。
呢間 駟馬拖車潮州飯店 提供性價比高的正宗潮州菜，充滿驚喜。下次經過的話，可以再食。
