Lúa (已結業)

今日係東角附近行街，見到有間紅噹噹的越南餐廳，樓上一樓仲有個露台位置，頭頂掛滿漫天燈籠，好詩情畫意，入面裝修都幾有特色，打卡一流。🍲生牛肉雜錦湯河$119增加雙倍安格期生牛肉$38見到menu承諾不加味精，湯底係天然慢煮，咁就要試下個牛湯河。材料好豐富，有生安格斯牛肉片，牛札肉，牛肉丸，牛肋骨，牛皮，黑柏葉。湯頭真係好清甜，加埋青檸同香菜，更加能帶出香甜。安格期牛肉半生熟，幾juicy肉汁豐富，加$38有雙倍份量都幾抵😋另外就係可以免費追加香菜，真係香菜迷福音😍🐤香茅檸檬葉焗春雞$216期間限定有7折😍要等20mins。上枱超誇張，原來係火焰春雞，職員會即場點火，將外皮燒一燒，真正皮脆肉嫩😋之後職員好細心，幫我地將雞砍件上。春雞好香香料味，肉質真係幾嫩滑👍🏻🧆大叻手打肉丸酸甜湯配法包$88好得意個湯係用碟上，肉丸好重肉味，幾juicy 真係好好食!🍨牛油果慕絲芭非配自家製椰子雪糕$98見到甜品meun超吸引，一定要試下。層次超級豐富，面頭有cheesecake, 蝴蝶酥，椰子雪糕，士多啤梨。下面夾住鮮牛油果慕絲，椰子凍，脆片，寒天晶球，口感超豐富。另外仲有榴連同芒果口味，下次要再試下😋