韓牛韓式燒烤 (已結業)

每次同朋友gathering通常都離唔開起打邊爐。 而韓牛呢類放題從來都唔係我杯茶， 但估唔到今次有驚喜。 一去到已經聞到好香嘅燒烤味，接待員非常有禮，好快就可以安排入座。入到去放低個袋，就即刻出去睇吓有咩好食。眼見有好多選擇，有魚生、海鮮、熱盤、大量甜品、雪糕、同埋主菜各式肉類。個人最喜歡食燒腩肉， 燒咗燶燶哋， 好香口惹味。而腸仔並唔係普通嘅腸仔，係大大條粗身嘅脆皮腸。好味！另外值得推介嘅係韓國粉絲，好正宗韓國嘅風味！甜品有軟雪糕，杯裝雪糕，同埋最正嘅係有棉花糖！整體來講，呢間餐廳嘅價錢同埋食物嘅種類性價比高，鍾意食放題嘅朋友同埋懷念漢陽苑味道嘅朋友可以黎試吓！