Pro-Burger (已結業)

Lunch time1:10pm來到,排錯隊,原來要從「後門」樓梯開始排,人多,買/等到1:45pm才可以離開。下次醒D,12:45pm前落單,外賣九折!等左咁耐,大家都即場食一食剛炸好的薯角。薯角其實都係standard味道,不過佢無「雞記」薯格咁咸；綿綿既薯,亦好過「麥記」間唔鐘有售的薯角。所以好good!話明招牌是Angus ,所以同事們都選擇Angus Burger/or with cheese。我試左佢地少少,等待之時,見到店員捧著生的漢堡件,肥瘦3:7,很均勻,不過口感上,少少dry,不夠juicy。而我揀左煎魚扒漢堡,魚扒出奇地滑不鞋口!魚質就如食銀雪魚!雖然唔知係咩魚,不佢過滑、沒雪味,仍保存少少魚味,非常難得!配埋個秘製千島醬汁(個個包如是),很醒胃!雜誌資料得知,Pro的咖啡,與四季酒店所用的咖啡豆一樣是Graffeo,所以這亦是我的來意。跟餐加$5。分別要左一杯加奶,和不加奶。先飲齋的,好甘純!很非一般的咖啡豆!但我始終喜歡加左奶既咖啡,甘香、濃郁!飲一啖,口腔留有甘甘而不苦的咖啡香,更驚喜的是,放涼左一樣咁好飲!可惜的是,那份量,只有四份三杯,好不夠喉。