MOO MOO

營業中

休息中

去牛頭角鴻圖中心food court食夜晚， 最方便之處就係food court款式選擇多，娘親 要飲燉湯可以， 要食漢堡包亦都可以， 仲要係高質素漢堡包tim! 講緊係 全場唯一一間美式漢堡包店 Moo Moo。 而家漢堡包店款式選擇多， 全部都係優質安格斯漢堡扒， 可以配搭唔同款式。 而且亦都有雞扒同魚柳嘅選擇， 仲有素食漢堡添。 另外亦都有炸雞翼及沙律， 當然少不了有炸薯條炸薯圈等香口小食。 經典之堡60 以優質安格斯牛肉， 美國車打芝士，蕃茄，生菜， 再加埋moo moo 特製醬料做成， 麵包即叫即烘， 外 脆內軟。 喺配搭上已經有一定吸引度， 而且漢堡扒 牛肉味勁香濃， 配搭生菜番茄等等，食落唔會太膩，口感豐富。 白菌之堡65 拎上手份量十足非常墮手， 除咗有優質安格斯漢堡之外， 另外仲因為加咗白蘑菇， 成寸厚嘅漢堡扒有肉香有肉汁， 加埋 白蘑菇， 食落極惹味。 燒豬頸肉沙律54 材料有沙律菜，紅腰豆， 蕃茄， 粟米粒。 配搭百變， 最重要係燒豬頸肉嘅香油，滴曬落新鮮嘅沙律菜到， 沙律菜有層豬油嘅香， 配埋 凱撒沙律醬汁， 鹹香惹味有夠醒胃， 叫人越食越開胃。