上海婆婆 (已結業)

今日放工同男朋友仔去左屯門v city行街，見有啲肚餓，突然間又想食上海野，即刻諗起上海婆婆GO!Go!Go!呢晚可能係平日嘅關係所以唔使等位，服務員好好禮貌咁招呼我哋坐低，隨即奉上兩杯熱茶，呢種天氣飲番杯熱茶係最幸福嘅事☺呢度裝修簡單，燈光柔和，環境清靜，有一種好平靜嘅感覺。我哋第一道菜叫咗醉乳鴿當服務員攞上枱時候已經聞到淡淡酒香，呢種清香既香氣令我垂涎三尺。乳鴿肉質鮮味，皮滑爽脆，酒香滲透入皮同肉，令人一試難忘。四川麻婆豆腐豆腐好有豆香味，豆香肉鮮，個汁辣味恰到好處，上面仲鋪左少許蔥花，色香味俱全，就連我呢個平時唔太食得辣嘅人都覺得呢種辣好吸引好鮮味。我男朋友仲即刻叫咗碗絲苗白飯😋雞絲伴海蜇$62雖然係冷盤但份量幾多，溫度恰到好處，雞絲好有雞味，海蜇爽口彈牙，口感豐富送飯食一流呀！鎮江小排骨$62呢味係我最愛既菜式，果然無令我失望。甜味中帶酸，酸中帶點甜味，相當醒胃，排骨好新鮮，無雪藏味。就連平時唔鍾意食酸甜野嘅男朋友都大贊，食指大動。婆婆小籠包$36一籠有四個，夾起包皮吾會穿，湯汁好多，好濃鮮肉味，皮薄彈牙，餡料好腍，沾上香醋，更能帶出肉既鮮味奶湯滑津白$62奶湯濃郁淡淡奶香味，