影片
更多
2008-06-10
60 瀏覽
今日本來要同個Supplier係金鐘PP夜上海食政冶飯, 但臨時有事Cancel左, 轉個頭就約左我女人去灣仔試下間新日本野"浦和"。佢開頭話不如食金鐘遠東既四季,因為質素有保証, 但以我試食專員既專業問態度, 我今次堅持試新野!一去到門口都有好多人等緊位, 但我地算好彩, 等左15分鐘就有位啦, 中間一路睇 openrice 既食評,諗住今次無死啦, 點知....我地上到去好有茶餐廳feel, 佢要我搭枱!! 食日本野要搭枱..唉.. 本來諗住叫網友介紹既$48壽司定食, 點知加到$98!! 所以叫左其它野..我地揀左陣之後叫左:1. 風味燒牛肉定食 (送超迷你加洲卷)2. 咖哩雞排定食 (送三文魚手卷)首先我地諗住個燒牛肉都唔會太肥, 因為燒呀ma..最後上枱大半碟係肥肉..真係食幾多蟹殼素都隔唔到! D飯我好肯定你去任何一間吉野家都好食過佢! 我女人一路食一路黑面, 我都知唔對路...個加洲卷得5蚊銀咁大, D三文魚仲衰過百佳..好啦, 等左15分鐘, 我女人食左大半, 隔離枱遲過我黎都開始食啦, 我個咖哩雞仲未到? 莫非尋日比食環署捉左去驗H5N1??我吹左2,3次, 次次都話
一去到門口都有好多人等緊位, 但我地算好彩, 等左15分鐘就有位啦, 中間一路睇 openrice 既食評,諗住今次無死啦, 點知....
我地上到去好有茶餐廳feel, 佢要我搭枱!! 食日本野要搭枱..唉.. 本來諗住叫網友介紹既$48壽司定食, 點知加到$98!! 所以叫左其它野..
我地揀左陣之後叫左:
1. 風味燒牛肉定食 (送超迷你加洲卷)
2. 咖哩雞排定食 (送三文魚手卷)
首先我地諗住個燒牛肉都唔會太肥, 因為燒呀ma..最後上枱大半碟係肥肉..真係食幾多蟹殼素都隔唔到! D飯我好肯定你去任何一間吉野家都好食過佢! 我女人一路食一路黑面, 我都知唔對路...個加洲卷得5蚊銀咁大, D三文魚仲衰過百佳..
好啦, 等左15分鐘, 我女人食左大半, 隔離枱遲過我黎都開始食啦, 我個咖哩雞仲未到? 莫非尋日比食環署捉左去驗H5N1??我吹左2,3次, 次次都話就到, 再過10分鐘我就火都黎啦, 叫Cancel, 點知個經理話:"Cancel? 就出黎啦wor!!" 我即該諗起香港寬頻既廣告--"起有此理!!" 二話不說, 埋單, 離開傷心地。
BTW, 走個時先見到原來唔食唔夠$200唔可以簽咭..我銀包又真係好少多過$200現金wor, 好彩今日夠..
我今日既 lunch, 由夜上海, 變左最後既佳魚生飯(禍不單行,仲要生米既)。 灣仔既日本野, 我已經black list左 lee 間 - 浦和日本料理 - 今生無緣, 下世都唔好再見!
張貼
