漁樂 (富泰商場)

營業中

休息中

屋企附近開多咗間新餐廳，有多一個選擇。中午經過都幾多人，裝修幾特別，所以我和先生食咗兩個午市套餐，一個係海南雞飯，另一個係流心蛋野菌汁香茅豬扒飯。海南雞飯擺盤都幾靚，以屋村餐廳來講算精緻。雞起晒骨，食的時候好方便。不過雞比較肥，同埋肉雖然嫩，但有少少韌。我先生鍾意食呢個流心蛋野菌汁香茅豬扒飯，初初擔心野菌汁會好辣，但最後發現係唔辣嘅，而且野菌汁加埋流心蛋嘅蛋汁食都幾好味。豬扒亦好入味，唯一美中不足係啲雜菜比較凍，明顯係一早整定。