牛川日本和牛專門店 (已結業)

好耐無出街食晚飯，更係要食好啲。普通放題邊夠，食返個和牛放題先啱數。一坐低店家會先送上一啲推介食物。先嚟一個美人玉子，就係燒熟嘅牛沾上生雞蛋。仲有一個和牛沙律，好開胃。海鮮併盤有虎蝦，鮑魚，扇貝，生蠔，同甲羅燒。原本以為甲羅燒要燒好耐，好快就燒到好香嘅蟹膏味。鮑魚同虎蝦都好新鮮。跟住上菜嘅係主角和牛，店家好貼心咁送上一轉，全部有名牌的，唔洗擔心唔知食緊咩。個人喜好牛頸脊，牛肩梅花。屬於比較林的。另外稀有汁燒千本筋都好食。所以第一轉之後就不停再點呢幾款。QR code 點餐真係好方便又唔會嘥嘢。食埋每人一杯movenpick，非常滿足。