點小館 X 旺旺烤活魚 (已結業)

近排想食烤魚所以就捉咗屋企人陪我去食 😝 嚟咗點小館 x 旺旺烤活餐廳開餐，之前都幫襯過屋企人話唔錯，所以特登老遠都再嚟食。餐廳環境幾寬敞，而且仲有樽裝汽水正。套餐選擇比以前多咗幾款，不過我哋都係叫返之前食開嗰個歡聚二人烤魚套餐，因為鍾意裏面啲配搭。另外我哋仲叫咗羊肉片、鵝腸、鴨血、珊瑚蚌、黑毛肚、豬黃喉等等。😋鮮羊片超級正，而且重要係厚切。😍烤魚上面鋪滿芫荽，見到都流晒口水 🤤 魚肉細嫩不腥，配埋個火辣辣嘅湯底，食到停唔到口。