影片
更多
2022-07-31
73 瀏覽
呢間係油麻地既大吃大喝之前已經bookmark左好耐！每次見到佢地既滑蛋治都覺得好正趁住今日經過油麻地就買返去屋企enjoy. 香濃沙嗲牛肉滑蛋三文治加左$2將多士轉烘底,拎到返去雖然有少少變軟但仲帶點脆身,厚多士軟熟濕潤唔會過乾身.內裏鮮黃色既炒蛋香嫩得黎仲帶住大量蛋汁,入口香滑而且蛋香味都幾出.配搭充滿港式茶記風味既沙嗲牛肉真係超正,沙嗲味濃郁充滿花生香.沙嗲牛肉份量多,肉質又滑.招牌手撕雞飯無諗到佢地除左經典既滑蛋三文治外亦有飯類！一於試埋佢地既手撕雞飯,手撕雞飯可以選擇麻醬或麻辣醬.手撕雞同樣高質,雞肉滑得黎又嫩,肉質唔鞋.自身既雞肉已經充滿鹹香,加上麻醬令味道更濃郁,帶出芝麻既焙香味.士林台式香酥蛋餅蛋餅可以選擇2-4款配料,今次以經典既火腿拼肉鬆做配搭.蛋餅外層既油酥餅香脆,帶一陣酥油香味,加上蛋後更香.火腿肉鬆帶出鹹鹹甜甜既味道相當滿足.羅漢果水&薏米水自家製飲品,清熱既羅漢果水同美白水腫既薏米水,解渴又健康.
香濃沙嗲牛肉滑蛋三文治
加左$2將多士轉烘底,拎到返去雖然有少少變軟但仲帶點脆身,厚多士軟熟濕潤唔會過乾身.內裏鮮黃色既炒蛋香嫩得黎仲帶住大量蛋汁,入口香滑而且蛋香味都幾出.配搭充滿港式茶記風味既沙嗲牛肉真係超正,沙嗲味濃郁充滿花生香.沙嗲牛肉份量多,肉質又滑.
招牌手撕雞飯
無諗到佢地除左經典既滑蛋三文治外亦有飯類！一於試埋佢地既手撕雞飯,手撕雞飯可以選擇麻醬或麻辣醬.手撕雞同樣高質,雞肉滑得黎又嫩,肉質唔鞋.自身既雞肉已經充滿鹹香,加上麻醬令味道更濃郁,帶出芝麻既焙香味.
士林台式香酥蛋餅
蛋餅可以選擇2-4款配料,今次以經典既火腿拼肉鬆做配搭.蛋餅外層既油酥餅香脆,帶一陣酥油香味,加上蛋後更香.火腿肉鬆帶出鹹鹹甜甜既味道相當滿足.
羅漢果水&薏米水
自家製飲品,清熱既羅漢果水同美白水腫既薏米水,解渴又健康.
張貼
