喜記避風塘炒辣蟹 (利園山道) (已結業)

老公好中意食海鮮，今次帶佢黎食番餐勁嘅，我地叫左個2人餐幾樣海鮮都好好味。醉鮑魚當頭盤食，鮑魚充滿酒香，好入味，一d都唔韌，肉質爽口彈牙。豉椒炒蜆好惹味，引唔住叫左碗白飯，蜆肉大大隻爽口無沙，份量都幾多。避風塘炒蟹有鑊氣，蟹走過油銷住鮮味，蟹蓋有唔少蟹膏好鮮甜，蟹肉啖啖肉。清炒油麥菜最簡單用蒜蓉炒，油麥菜爽脆鮮甜，食左濃味清下口腔。蟹油炒麵中意呢個，加左葱，銀芽一齊炒好有口感，加左白芝麻好香，炒得乾身唔油膩。