神石燒牛扒水產專門店 (東港城) (已結業)

今日可以wfh就去左東港城既「神石燒牛扒水產專門店」食晏，裝修夠舒服，唔會覺得好逼，油煙味都唔算太重，雖然食完件衫都會有少少燒嘢食味。佢最近menu出左唔同既盛合，自己就叫左其中一個 - 「美州特級羊架之盛合」。盛合包左「美州特級羊架」、「美國極黑豚」、同埋「美國天然雞」。每件扒既份量都唔算大，但勝在飯同沙律都可以任添。啲扒黎到既時候要等佢哋係石板上面燒一陣，但塊板都幾熱既關係，燒左一陣啲扒都夠熱夠熟，燒果時都聞到果幾塊蒜片既香味。本身扒既醃料唔算多，所以大家要自己加下鹽同胡椒同埋日式燒汁調下味。整體黎講依價錢食到唔同既扒，又質素唔太差，不妨一試。