影片
更多
2021-08-11
2513 瀏覽
呢間牛之鍋之前喺荃灣已經同朋友試過，覺得佢啲嘢真係好高質！近排發現原來佢喺銅鑼灣都有間分店仲好近我公司！今日放咗工就帶咗同事一齊去試吓～～～六點幾黎到已鬼死咁多人，佢地食物款式都幾多下，我地揀左打邊邊再加放題 ！ 呢度個邊爐好正，可以揀一人一鍋又或者可以揀一齊share一個大鍋！但我想自己跟返自己個湯底所以一人一鍋就最好～～我地揀左皮蛋芫荽同椰青湯底 貪佢清清地唔會太熱氣(好似係) 打邊爐第一時間梗係要揀牛肉啦！我哋揀咗極上牛肉同羊肉，貪佢唔會太肥～除咗牛肉仲有羊肉豬肉同雞件選擇揀完肉類就到海鮮出場！海鮮種類都算多有蝦蝦，廣島蠔青口、沙白花膠同魷魚等等 全部大大隻好新鮮！大推沙白好甜呀～～～跟住就到刺身， 必叫嘅三文魚厚切肥美，帶子口感飽滿甜蝦肉身爽厚全部goodgood~~~再到日式料理，有雞泡魚乾金菇牛肉卷，蟹籽沙律；炸物即叫即整既燒菠蘿燒蕃薯仔，榴槤流心丸仲有我地叫左幾款壽司，全部細細件，可以試多幾款～～火炙系列大推！呢間放題最大嘅賣點就係佢嘅皇牌甜品！款式勁多，大推日式宇治抹茶芭菲仲有雪糕刨冰；西式甜品例如係芝士蛋糕榴槤班戟其中大推伯爵茶珍珠奶凍；最後仲有中式糖水楊枝甘露雪耳
六點幾黎到已鬼死咁多人，佢地食物款式都幾多下，我地揀左打邊邊再加放題 ！ 呢度個邊爐好正，可以揀一人一鍋又或者可以揀一齊share一個大鍋！
但我想自己跟返自己個湯底所以一人一鍋就最好～～我地揀左皮蛋芫荽同椰青湯底 貪佢清清地唔會太熱氣(好似係)
打邊爐第一時間梗係要揀牛肉啦！我哋揀咗極上牛肉同羊肉，貪佢唔會太肥～除咗牛肉仲有羊肉豬肉同雞件選擇
揀完肉類就到海鮮出場！海鮮種類都算多有蝦蝦，廣島蠔青口、沙白花膠同魷魚等等 全部大大隻好新鮮！大推沙白好甜呀～～～
跟住就到刺身， 必叫嘅三文魚厚切肥美，帶子口感飽滿甜蝦肉身爽厚全部goodgood~~~
再到日式料理，有雞泡魚乾金菇牛肉卷，蟹籽沙律；炸物即叫即整既燒菠蘿燒蕃薯仔，榴槤流心丸
仲有我地叫左幾款壽司，全部細細件，可以試多幾款～～火炙系列大推！
呢間放題最大嘅賣點就係佢嘅皇牌甜品！款式勁多，大推日式宇治抹茶芭菲仲有雪糕刨冰；西式甜品例如係芝士蛋糕榴槤班戟其中大推伯爵茶珍珠奶凍；最後仲有中式糖水楊枝甘露雪耳燉木瓜紅豆沙等唔啱既仲有泰式芒果糯米飯，一定有一款啱哂你嘅口味～～
講完日式料理同刺身有返返去邊爐，除咗要用QR code落單嘅肉同海鮮其實仲有一個自助區，佢有好多蔬菜丸豆卜粟米等等比你攞
仲有勁多醬料比你任意混醬～～
最後就梗係有好多款嘅飲品任君選擇，呢度仲有任飲生啤我見勁多大叔係度狂飲！
張貼
