El Portal (已結業)

最鍾意搜尋特色餐廳，喺佐敦區都搵到間高質餐廳。一入到餐廳感覺舒服，見到仲有酒櫃有多款唔同嘅酒，鍾意飲酒chill下嘅人士真係好啱。另外仲有生蠔，一路飲酒食都食生蠔真係唔錯。我哋先揀咗烤麵包配鮮茄醬🥫烤麵包疊得好靚，一共有六件，而且非常之香脆。麵包上佈滿橙色嘅蕃茄醬，有少少細蕃茄碎粒，又有啲啲欖油香。小食揀咗炸魷魚，魷魚最正係有蒜蓉香，而且仲配有蛋黃醬。食落去除咗脆，仲有蛋黃醬香。主菜揀咗好多人都推介嘅西班牙海鮮飯。叫完真係冇失望！西班牙海鮮炒飯好靚，有好多海鮮，飯有粒粒口感，海鮮都幾新鮮! 最後甜品當然唔少得，叫咗churros! 又脆又甜好食呀！