影片
更多
2018-08-10
72 瀏覽
其實香港真係有好多食辣嘅地方,但好味嘅講真真係唔多.如果要配搭埋海鮮難度會更大,因為辣味拿捏得唔好的話會嚴重影響海鮮原本應有嘅鮮味,所以喜愛食辣如我嘅朋友就會慎選食辣嘅地方,以免破壞一整日嘅好心情.係一個風平浪靜心情極好嘅夜晚開始,朋友提出去一間佢近排試過有辣又有海鮮食嘅餐廳,我抱住:嗯...都係咁上下架喇嘅心情考慮緊嘅時候,佢又出絕招-上網搵相比我睇,睇完之後就抱住必肚柯嘅心情試一試佢.(因為本人腸胃對油十分敏感,所以去親食辣十次有九次都會肚柯.)行過美麗華隔離條長命斜路之後終於都到(詳細地址請睇上面),等咗一陣之後(基本上我無計過等幾耐,因為成個腦都係海鮮.)但係等期間又不停有人同我地講:唔好意思我地清緊張台好快就得架喇,態度10分.同埋個LOGO設計都幾靚,唔錯唔錯!!!終於入坐喇,係我最愛嘅實木長台,目測一邊都可以坐5,6個人,地方幾大坐得舒服.我地一行3個人揀咗個每位$328嘅8款海鮮,實夠食喇.等呀等呀,等到流晒口水終於都到喇,呢一刻我要爆喇,但比朋友窒住度氣,因為要影相!!我抱住將美食帶比天下世人嘅心情,好喇影喇喇喇...入面有咩大家都可以係網上嘅餐牌可以睇到晒咁我就唔重
係一個風平浪靜心情極好嘅夜晚開始,朋友提出去一間佢近排試過有辣又有海鮮食嘅餐廳,我抱住:嗯...都係咁上下架喇嘅心情考慮緊嘅時候,佢又出絕招-上網搵相比我睇,睇完之後就抱住必肚柯嘅心情試一試佢.(因為本人腸胃對油十分敏感,所以去親食辣十次有九次都會肚柯.)行過美麗華隔離條長命斜路之後終於都到(詳細地址請睇上面),等咗一陣之後(基本上我無計過等幾耐,因為成個腦都係海鮮.)但係等期間又不停有人同我地講:唔好意思我地清緊張台好快就得架喇,態度10分.同埋個LOGO設計都幾靚,唔錯唔錯!!!
終於入坐喇,係我最愛嘅實木長台,目測一邊都可以坐5,6個人,地方幾大坐得舒服.我地一行3個人揀咗個每位$328嘅8款海鮮,實夠食喇.等呀等呀,等到流晒口水終於都到喇,呢一刻我要爆喇,但比朋友窒住度氣,因為要影相!!我抱住將美食帶比天下世人嘅心情,好喇影喇喇喇...
入面有咩大家都可以係網上嘅餐牌可以睇到晒咁我就唔重覆喇,講重點~蝦我係最在意嘅,布無誠意收呢個價錢就係睇呢個位,好多地方!!真係好多地方啲蝦肉都係"霉"嘅,一係就用雪藏蝦,因為我食新鮮海蝦一定會皮膚過敏,所以食一啖就知係點.呢度啲蝦肉係實淨同食到啲肉係一絲絲嘅,一定唔會係雪藏同唔新解,所以其他野都可以放心食.
海鮮內臟都清得好乾淨,花甲又唔會有沙,元貝帶子等都好彈牙每咬一啖啲鮮甜都湧出黎,但要拎出黎讚一讚嘅係個鮑魚!!!又彈牙又軟,咬起上黎唔洗好用力,好!辣度我地揀咗中辣,辣味都唔會蓋過鮮味,完全感受到鮮同辣融合嘅新層次.但就算中辣都覺得唔係平常多香料嘅辛辣,而係溫柔嘅辣,呢個位都算係一種考妙之處.如果都係覺得辣嘅朋友我推薦以下嘅飲品-
清甜果味可以解辣同埋清一清個口,等啲味唔會撈埋一齊~總知,辣吧真係香港少有食辣嘅清泉,呢間餐廳比海鮮有一種適當嘅尊重,所以我地都清晒一盆給予餐廳尊重,謝謝大家~
張貼
