影片
更多
2012-10-22
657 瀏覽
今日朋友仔做主角表演，梗係黎撐場啦，預我四個 ﹗有得食、有拉丁 Show 睇、您仲可以出埋去跳，滿足您三個願望啦 ﹗燒味併盤，燒鵝胸、燻蹄、叉燒、海蜇、拍青瓜、乳豬，新光果然好有質數，全無投訴，每款都滿意。睇完第一節既表演，終於上菜喇，好肚餓呀 ﹗好采剛才六點幾醒目食左十蚊牛什頂住先啫，同枱既朋友仔掛住跳舞，無所謂啦，分埋比您地啦。翡翠海蜇頭花枝片，依個配搭都好特別 ﹗花枝片同海蜇頭就一般啦，腍腍地又嚥嚥靭靭，味道偏淡。最好食係西蘭花，好爽既西蘭花啊 ﹗炸什果蝦仔卷，內含沙律醬，我一向都不太喜歡此系列食物，見到就怕喇，又亦中亦西咁 ﹗外層炸得非常鬆脆，餡料甜甜地，咬到無味既爽口蝦仔囉。不論係蜜瓜、什果、芒果、海鮮，依種食法我都不太喜歡。清蒸老虎斑，無人食臉珠登既？又無人食魚頭呢？咁我唔客氣喇，一對臉珠登落晒我個肚。魚下巴留比其他朋友，整個魚頭又係我搞掂，唔好意思喇，呵呵，好味道呀 ﹗老虎斑望落雖細條，但係一斤左右最好食，肉質嫩滑魚味濃，太大條既肉好鞋呢 ﹗雞湯浸腐竹白菜，整味送只食到腐竹味，非常濃郁，雞湯就唔多覺喇 ﹗清清地好受歡迎，剛才食左咁多濃味小菜。炸子雞，嘩 ﹗好好味呀 ﹗質地
燒味併盤，燒鵝胸、燻蹄、叉燒、海蜇、拍青瓜、乳豬，新光果然好有質數，全無投訴，每款都滿意。睇完第一節既表演，終於上菜喇，好肚餓呀 ﹗好采剛才六點幾醒目食左十蚊牛什頂住先啫，同枱既朋友仔掛住跳舞，無所謂啦，分埋比您地啦。
翡翠海蜇頭花枝片，依個配搭都好特別 ﹗花枝片同海蜇頭就一般啦，腍腍地又嚥嚥靭靭，味道偏淡。最好食係西蘭花，好爽既西蘭花啊 ﹗
炸什果蝦仔卷，內含沙律醬，我一向都不太喜歡此系列食物，見到就怕喇，又亦中亦西咁 ﹗外層炸得非常鬆脆，餡料甜甜地，咬到無味既爽口蝦仔囉。不論係蜜瓜、什果、芒果、海鮮，依種食法我都不太喜歡。
清蒸老虎斑，無人食臉珠登既？又無人食魚頭呢？咁我唔客氣喇，一對臉珠登落晒我個肚。魚下巴留比其他朋友，整個魚頭又係我搞掂，唔好意思喇，呵呵，好味道呀 ﹗老虎斑望落雖細條，但係一斤左右最好食，肉質嫩滑魚味濃，太大條既肉好鞋呢 ﹗
雞湯浸腐竹白菜，整味送只食到腐竹味，非常濃郁，雞湯就唔多覺喇 ﹗清清地好受歡迎，剛才食左咁多濃味小菜。
炸子雞，嘩 ﹗好好味呀 ﹗質地勁嫩滑，皮香肉嫩，不太肥，熱辣辣 ﹗大大啖咬落去，啲肉汁多到漏晒出黎，勁 juicy ﹗高質數 ﹗推介 ﹗
紫米炒飯，好特別喎 ﹗紫米嚥嚥靭靭，炒得香口乾爽，幾好。韮皇鮑汁炆伊麵，質感彈牙，唔會腍劈劈。味道都唔錯，但已經太飽喇，只係食到少少飯少少麵乍。跟住仲有蓮蓉壽包同生果盤，食左一粒蓮蓉壽包，裡面有咸蛋黃架喎。
張貼
