見到裝潢心諗：死啦，應該好貴。點知轉頭望一望餐牌：嘩！$260二人套餐。套餐包括點心，小食同小菜。
尖椒皮蛋既賣相好似孔雀開屏，皮蛋上面放滿青辣椒，辣勁相富凌厲。
點心揀左晶瑩蝦餃皇，皮薄而且柔軟，入面既蝦亦彈牙。
小菜揀左宮保雞丁同麻婆豆腐，兩者佐飯一流。宮保雞丁既雞肉份量算多，辣辣地之餘亦有微酸，花生仍然脆口。
至於麻婆豆腐屬於小辣，豆腐吸收曬辣汁一絕。
平時中菜套餐只會送飯，但滿庭芳可以俾客人選擇擔擔麵或蔥油拌麵，麵條都係幼身彈牙，兩者同樣出色，尤其係蔥油拌麵，焦脆、蔥香集於一身。
最後仲有湯同甜品，甜品係南瓜西米露。雖然位置較僻，但套餐咁多食物都係$300內，認真抵食。
