呢間嘢爭啲連門口都見唔到 原來佢係地庫度嘅😂😂
個紐西蘭羊鞍不得了！好Juice同肉質肥瘦啱啱好😍勁鍾意食羊！一定要試呀
頂級牛肩扒店員推薦呢個 的確係幾好燒既 牛味重
佢嘅鹹牛脷燒完好似午餐肉 個相貌同個味道都好似
❗️佢仲配埋滿滿燒汁同埋日式燒汁❗️
個鰻魚燒一燒又幾惹味 個番薯BB唔燒變咗凍食🤣你哋記得燒埋熱熱地
今次有三個唔同嘅飯🤤
蟹黃飯連埋佢個汁係鹹鹹地嘅 有啲似食緊蟹籽feel
滿滿紫菜飯幾時都咁出色 不過係爭咗隻蛋🥲
咖喱飯小辣 喺燒肉舖見到係幾特別嘅
呢間餐廳都幾百搭 竟然有漢堡同薯條🤣🤣
吉列蝦堡寄出 佢個蝦卷係好脆同幾彈牙 個漢堡包皮係豬仔包type唔算脆 至於個薯條配黑松露醬係幾搭
嘢飲啲仙草同愛玉都好大嚿🤣🤣仲要飲到最後先記得佢哋 建議大家一開始篤碎啲可以飲埋
佢啲餐都幾抵食，同埋有好多選擇～～
雖然中環選擇嘅嘢食好好多，不過大家可以考慮試吓呢間😛
1
