康瑞涼茶 (已結業)

見證住呢間鋪頭由中醫館小小一角，變到依家自成一鋪。鋪內環境寬敞舒適，幾乎每次夜晚黎到都座無虛席。-餐牌有十二款選擇。試過唔同款式之後，我同朋友一致認為特式仙草百配最出色😋價錢親民，大大碗，配料豐富。撈匀煉奶後就可以開動！芋圓同地瓜圓份量頗多，煙煙韌韌，有淡淡既芋頭同地瓜香。每一啖都有齊紅豆，西米，薏米，黑珍珠同仙草，口感豐富，又唔會好甜，好滿足。食完晚餐再食呢碗甜品，真係超級飽呀！-味道未必出色到令人驚艷，但勝在價錢親民，用料豐富，每食一啖都有滿滿既幸福感，極度推薦👍🏻