影片
更多
2017-04-09
331 瀏覽
🌸櫻花Tea Set 🌸Spring Sakura Afternoon Tea 咁靚嘅櫻花下午茶真係無得輸，絕對可以餵飽你地部相機 留意到最近有個好靚嘅Tea Set，諗住即時book枱去食啦，點知原來餐廳好full, 4月終於有位去食啦Mon-Fri ($348 for 2)Sat, Sun, Public Holiday ($388 for 2)為左配合番日本同櫻花做主題，所以食材同做法都帶有日式味道，成個Set有2層，先講上層嘅鹹點:炸蝦, 炸紫薯餅，炸鰻魚春卷，三文魚餅乾，吞拿魚他他，另外仲有櫻花簥麥麵同紫菜生蝦卷吞拿魚他他口感太腍唔係好食得出係咩，不過三文魚就好肥美炸物炸得唔錯，唔會好油膩，但係炸蝦嘅炸粉較厚， 紫薯餅用上真薯蓉，而鹹點嚟講最好食係炸鰻魚春卷 櫻花簥麥麵顏色好靚，但係同想像中一樣同一般簥麥麵 嗰味係一樣嘅，紫菜生蝦卷要早食，唔係會好似我地咁塊紫菜會腍左 ，整體味道比甜點優勝講完個Tea Set有咩咸點，而家到講埋甜點啦：櫻花糖霜曲奇、馬卡龍、水信玄餅、士多草啤梨蛋卷同大福較出色的是水信玄餅同馬卡龍，水信玄餅內藏櫻花一朵，好像帶點莓味，馬卡龍則被分派到杏仁同檸檬
Spring Sakura Afternoon Tea
咁靚嘅櫻花下午茶真係無得輸，絕對可以餵飽你地部相機 留意到最近有個好靚嘅Tea Set，諗住即時book枱去食啦，點知原來餐廳好full, 4月終於有位去食啦
Mon-Fri ($348 for 2)Sat, Sun, Public Holiday ($388 for 2)
為左配合番日本同櫻花做主題，所以食材同做法都帶有日式味道，成個Set有2層，先講上層嘅鹹點:
炸蝦, 炸紫薯餅，炸鰻魚春卷，三文魚餅乾，吞拿魚他他，另外仲有櫻花簥麥麵同紫菜生蝦卷
吞拿魚他他口感太腍唔係好食得出係咩，不過三文魚就好肥美炸物炸得唔錯，唔會好油膩，但係炸蝦嘅炸粉較厚， 紫薯餅用上真薯蓉，而鹹點嚟講最好食係炸鰻魚春卷 櫻花簥麥麵顏色好靚，但係同想像中一樣同一般簥麥麵 嗰味係一樣嘅，紫菜生蝦卷要早食，唔係會好似我地咁塊紫菜會腍左 ，整體味道比甜點優勝
講完個Tea Set有咩咸點，而家到講埋甜點啦：櫻花糖霜曲奇、馬卡龍、水信玄餅、士多草啤梨蛋卷同大福
較出色的是水信玄餅同馬卡龍，水信玄餅內藏櫻花一朵，好像帶點莓味，馬卡龍則被分派到杏仁同檸檬味，出乎意料地不甜膩，外面口感脆身，真的不俗，比坊間不少甜品店都優勝。其他說真的，味道只屬不過不失。每人額外可選朱古力士多啤梨或棉花糖一枝，整體上還是咸點較出色。
另外，下午茶加$18可以轉櫻花Latte，話明個下午茶係for相機食先，緊係打死都加錢轉埋杯野飲影下相！飲落其實佢係櫻花牛奶，靚就真係好靚，不過就好似甜左d，甜嘅牛奶真係唔係好岩口味，食完成個set其實都答唔到你櫻花係咩味，會唔會其實櫻花係冇特別嘅味嫁呢？
p.s: 當日見到有人著左浴衣去食呢個Tea，的確成個下午茶用嚟影相係一流嘅，不過留意番餐廳唔大，想去瘋狂影相就一定要Book位啦!
張貼
