営丼

營業中

休息中

呢期同上水幾有緣，幾日都喺呢邊收工。收工即刻食飯太肚餓。今次想講下食咗嘅日式丼飯。😋1️⃣招牌美國牛肋條丼飯（豐盛）見到係招牌即刻叫咗，牛肋條炆得軟腍入味，肉嘅份量幾多！個汁勁送飯，撈埋啲飯一齊食，不知不覺食晒成碗。2️⃣鹽香蔥溫泉蛋牛丼飯嚴香蔥真係好香，啲蔥好新鮮！蔥同鹽原來係咁夾，溫泉蛋牛丼飯食得多，搭配鹽蔥更加惹味。呢個飯得，可以再嚟食👍🏻3️⃣唐揚炸魷魚鬚呢隻魷魚鬚食到鮮海水味，唔係淡茂茂好似咬緊橡筋嗰啲咁，炸皮薄脆，好食嘅😋4️⃣雞皮餃子四件估唔到雞皮餃子可以甘脆，成件事好似食緊春卷咁，咬落第一個香味傳送到嗅覺係好香嘅雞油味，餡料係豬肉白菜，ok嘅👍🏻