一生懸麵 (荃灣千色匯I) (已結業)

今日同朋友喺千色匯行街，俾我搵到一生懸麵，見行到有啲肚餓，就食佢啦！好，坐低睇吓有咩好食先！海老沾麵，碗麵一嚟到，就為我帶嚟視角上嘅沖擊，成碗麵都佈滿咗櫻花蝦，十分之靚。湯底好濃郁，每一啖都充滿住櫻花蝦嘅鮮味，而且啲櫻花蝦唔會冧晒，仲脆脆地，增添口感，愛蝦之人一定要試。辛辣沾麵，食沾麵我第一時間就係試吓個湯底，第一啖鹹鹹地，之後辛辣感就開始出，刺激着我嘅味蕾，配上厚切叉燒，正！章魚燒，章魚燒就係要熱辣辣先好食，章魚燒入口即熔，章魚粒彈牙有咬口，唔錯！唐揚炸雞，炸雞新鮮炸起，咬落去脆卜卜，同時肉汁喺口裏面爆出嚟，另外有檸檬汁中和一下，令到炸雞原有的油膩感一掃而空，好食！