美人鍋 (已結業)

最近開始正式返工，日日都訓得好差，出街又食得重口味，覺得自己個樣愈黎殘😣 見到屋企附近開左間主打骨膠原嘅火鍋店所以試下佢。其中一樣幾impressive既野係佢唔會淨係得hea貨紙包飲品，仲有幾款手調美容飲品，我試左其中幾款，其中菠蘿青瓜美人水同西班牙特飲都係比較特別而且味道清甜🤞🏻仲有好多唔同醬料，有啲自家製既無喺其他火鍋店見過。自家製日本京蔥辣油係其中一款我覺得最特別同惹味既醬料。我地叫左一個美人鍋套餐，點左個骨膠原湯底，一上碟少少驚訝，骨膠原足料到可以jelly form咁上碟🤣 蔬菜嘅種類繁多，絕對滿足得到女士食草填肚🥶 肉類方便，我地要左和牛肩肉同加左錢加美國牛小排，雖然份量上唔會好似我地平時食任食火鍋咁多，但質素的確係高過任食既好多好多，新鮮好多同牛味亦更香濃。 仲有份明太子芝士免治雞肉，肉質非常嫩滑，明太子同芝士嘅口味好夾！套餐入面嘅闊條麵仲附上埋一碟芝士粉，放落湯底煮完之後撈埋啲芝士粉一齊食，有淡淡既芝士香味，比起平時火鍋食嘅公仔麵同烏冬更勝一籌。聽到骨膠原湯底本身以為味道一定好淡，但反而好有鮮味，完全唔輸蝕平時食開嘅豬骨濃湯底！我地仲叫左個滑蛋豬扒丼，豬扒夠厚夠份量👍