極上龍吟海鮮丼專門店 (已結業)

旺角新開既海鮮丼專門店，冇用爆丼作招徠，但眼見價錢好合理，即管入去食食佢！吞拿魚蓉飯一直都係我每次必點既菜式，無論日本定香港，只要見到餐牌上有都會必點😂！好彩今次冇失望🙆🏻，魚蓉鮮味，加少少豉油已經好正！份量好多，一啖飯一啖蓉都仲有淨！仲有隻半熟蛋，流出黎既蛋汁撈飯又係一流同行朋友就叫左呢個，三文魚同海膽多到呢😦😦❤️，見到都食指大動！三文魚同海膽都極新鮮，三文魚仲要係厚切架。海膽鮮甜冇腥味，可以再戰呀！