鶴亀 (已結業)

上完堂，同閨蜜係尖東搵食，今次去到漢口道，為左同我地遠左日本既朋友慶祝佢完成個日文課程，我地決定食日本野，呢間野我地名都唔識讀，但見到都係滿有日本風既就入左去。食物種類主要係拉麵同沾麵。 好小係香港食到沾麵，便點了特濃豚骨拉麵同柚子三文魚沾麵，另外加左個芝士年糕。點餐果陣除左可以選麵質，仲可以選冷或暖麵，岩晒我地鍾意試唔同野既人。 豚骨沾麵，個湯滿有豬骨既濃香，湯底味較重。溏心蛋仲係流心既，好鍾意果種黏黏流心感覺。麵質同一般拉麵唔同，較粗身，相對可以更加掛汁，食起黎口感被幼麵更好。 芝士年糕，好脆，連皮既粉都落埋芝士粉，成個都超creamy,令人一試難忘，同朋友掙食埋最後一舊。柚子三文魚相對清新開胃，湯真係有柚子在內，好清香，好岩夏天食，好提神。三文魚燒得剛好，勁大塊，平日在家唔敢煎三文魚，因為油好彈。呢度食到又脆又香既，日後再食三文魚都可以黎呢間了。