金鶴拉麵 (九龍城道) (已結業)

今日在土瓜灣附近吃午餐，最後就選擇左呢間金鶴拉麵。去之前我做左啲功課，呢間拉麵店主要係食雞白湯拉麵，有別於傳統豬骨拉麵，佢地係用赤雞熬製六個小時製成。不過最重要係環境夠靚，不錯！餐廳門面唔算大，但内有乾坤。唔單只裝修得好豪華，就連擺設都充滿日本FEEL。朋友要左極濃雞白湯拉麵。碗麵都算幾浮誇，賣相真係一流。我見佢仲立即打卡放上ＩＧ。最好笑係拎左匙湯俾我睇，同我講真係超濃。整餐飯佢唔算講好多野，只係掛住食佢碗拉麵，同時不時讚下碗麵。而我就叫左雞白湯沾麵，配料有雞件，叉燒，筍同有一隻半熟強。麵質彈牙，湯頭又濃郁，將麵條掛埋濃湯真係好鬼好食。雞件居然唔鞋，相反仲好滑。叉燒就水平以上，筍就正正常常。但隻半熟強真係超creamy，我好鍾意呢種口感。另外加左廿八蚊叫左兩串燒黑豚肉串，好有肉味之餘又一啲都唔韌，上菜熱辣辣，好值得試。