Mad for Garlic (已結業)

之前都食過mad for garlic,因為真係幾好食，今日就約左媽媽同佢食一餐～估唔到星期三都咁多人，到埗一陣子，時間剛剛好就安排我地二人，餐牌都有好多菜式選擇，今日決定要一個蒜片山肉眼扒，一個意粉。MFG蒜片山肉眼扒（五成熟）扒上那座蒜片山令我驚嘆，除左炸蒜片，仲有蒜蓉、蒜粒，剪落牛扒熟既程度剛剛好，中間雖然仲係鮮紅，但切開繼續係鐵板上燒就夠熟了，肉質腍滑，夾上蒜片蒜蓉食好滋味。至於地中海式雜香草香蒜素意粉，意粉幼面身質地很好，不過腍過硬，而且好入味，清清地但有香草香蒜味道好配合。